By រាជធានីភ្នំពេញ៖ ក្រុមហ៊ុនណាហ្គាវ៉លដ៍ បានសម្រេចស្នាដៃថ្មីមួយទៀត ដោយត្រូវបានចុះក្នុងបញ្ជីក្រុមហ៊ុនល្អបំផុត ១០០ នៅអាស៊ីអាគ្នេយ៍ ឆ្នាំ ២០២៥ របស់ស្ថាប័ន Fortune ដោយទទួលបានចំណាត់ថ្នាក់លេខ ៤៦។
ក្នុងឱកាសអបអរខួប ៣០ ឆ្នាំ ណាហ្គាវ៉លដ៍ បន្តឈានមុខគេជាមណ្ឌលកម្សាន្តចម្រុះក្នុងប្រទេសកម្ពុជា។ ក្រុមហ៊ុននេះជាក្រុមហ៊ុនវិនិយោគដោយផ្ទាល់ពីបរទេសដំបូងគេបង្អស់ និងធំបំផុតមួយក្នុងប្រទេសកម្ពុជា។
ស្នាដៃនេះ ត្រូវបានផ្តល់ជូនណាហ្គាវ៉លដ៍បន្ទាប់ពីក្រុមហ៊ុនទទួលបានការបញ្ជាក់ជាកន្លែងធ្វើការល្អបំផុតមួយនៅប៉ុន្មានខែមុនជាមួយពិន្ទុស្ទើរល្អឥតខ្ចោះ ៩៥%។
លោក Chen Yiy Fon នាយកប្រតិបត្តិ និងជាអគ្គនាយកក្រុមហ៊ុនណាហ្គាវ៉លដ៍ បានឱ្យដឹងថា៖ “នេះគឺជាស្នាដៃដ៏ធំធេង ហើយយើងសូមថ្លែងអំណរគុណដល់ស្ថាប័ន Great Place to Work® និង Fortune ដែលទទួលស្គាល់ទៅលើភាពរីកចម្រើននៃវប្បធម៌កន្លែងធ្វើការនៅក្នុងប្រទេសកម្ពុជា។”
កម្លាំងពលកម្ម ៦.០០៩ នាក់ដ៏ឆ្នើមរបស់ណាហ្គាវ៉លដ៍ មាន ៩៣% ជាជនជាតិខ្មែរ និង ៣៣ សញ្ជាតិបង្កើតបានជាកន្លែងធ្វើការប្រកបដោយបរិយាបន្ន។ បុគ្គលិកស្ត្រីមានពាក់កណ្តាលនៃបុគ្គលិកសរុប និងកាន់កាប់មុខតំណែងគ្រប់គ្រង ៣២%។
ចាប់តាំងពីឆ្នាំ ២០១៤ ណាហ្គាវ៉លដ៍បានដឹកនាំគំនិតផ្តួចផ្តើមជាង ១.១៦០ ទូទាំងរាជធានីភ្នំពេញ និងខេត្តចំនួន ១៥ ដែលបុគ្គលិកស្ម័គ្រចិត្តរបស់ខ្លួនបានចំណាយពេលជាង ៥៨.០០០ ម៉ោងដើម្បីផ្តល់ប្រយោជន៍ដល់ប្រជាជនកម្ពុជាជិត ១ លាននាក់។
សម្រាប់អ្នកដែលមានបំណងចង់ធ្វើការនៅកន្លែងធ្វើការដែលមានការទទួលស្គាល់ច្រើនបំផុតក្នុងប្រទេសកម្ពុជា សូមអញ្ជើញដាក់ពាក្យធ្វើការនៅក្រុមហ៊ុនណាហ្គាវ៉លដ៍។
