By ខេត្តបន្ទាយមានជ័យ៖ ក្រោមការដឹកនាំរបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានបញ្ជាឱ្យកម្លាំងនគរបាលដឹកទឹកចុះចែកជូនជនភៀសសឹកដែលកំពុងជួបការខ្វះខាតទឹកប្រើប្រាស់ចាំបាច់។
នៅរសៀលថ្ងៃអង្គារ៍ លោកឧត្តមសេនីយ៍ត្រី ប៊ុន ផេង ស្នងការរង ផែនការងារគ្រប់គ្រងអាវុធគ្រឿងផ្ទុះ និងអគ្គីភ័យ រួមជាមួយលោកវរសេនីយ៍ទោ វឹក វើន នាយការិយាល័យបង្ការ ពន្លត់អគ្គិភ័យ និងសង្គ្រោះ បានដឹកនាំកម្លាំងនគរបាលដឹកទឹកចុះចែកជូនជនភៀសសឹក។
ការចែកទឹកនេះបានធ្វើឡើងនៅ២មណ្ឌល រួមមានក្រុងសិរីសោភ័ណ (មណ្ឌលកងវ៉ា) និងស្រុកមង្គលបូរី (ផ្សាបន្ទាយនាង)។ កម្លាំងនគរបាលបានប្រើរថយន្តដឹកទឹក២គ្រឿងក្នុងប្រតិបត្តិការនេះ។
លោកឧត្តមសេនីយ៍ទោ សិទ្ធិ ឡោះ ក៏បានបញ្ជាឱ្យកម្លាំងនគរបាលពង្រឹងការងារសន្តិសុខ សណ្តាប់ធ្នាប់ និងសុវត្ថិភាពសង្គម ពង្រឹងការយាមល្បាត២៤ម៉ោង និងត្រៀមកម្លាំងសម្រាប់ចុះជួយសង្គ្រោះប្រជាពលរដ្ឋក្នុងករណីមានគ្រោះធម្មជាតិ។
សកម្មភាពនេះបង្ហាញពីការយកចិត្តទុកដាក់របស់អាជ្ញាធរចំពោះសុខុមាលភាពប្រជាពលរដ្ឋ ជាពិសេសជនភៀសសឹកដែលកំពុងជួបការលំបាកក្នុងការទទួលបានទឹកស្អាតសម្រាប់ប្រើប្រាស់ប្រចាំថ្ងៃ។
