ថៃទទួលស្គាល់កិច្ចចរចាពាណិជ្ជកម្មជាមួយសហរដ្ឋអាមេរិកមិនមានភាពរីកចម្រើន

(បាងកក)៖ រដ្ឋមន្ត្រីពាណិជ្ជកម្មថៃ លោកស្រី Suphajee Suthamphan បានទទួលស្គាល់ថា កិច្ចចរចាពាណិជ្ជកម្មជាមួយសហរដ្ឋអាមេរិកមិនមានភាពរីកចម្រើនទេ ដោយសហរដ្ឋអាមេរិកបានកែប្រែលក្ខខណ្ឌរបស់ខ្លួន។

លោកស្រី Suphajee បានបញ្ជាក់ថា ថៃកំពុងរង់ចាំលទ្ធផលនៃកិច្ចពិភាក្សានៅឯកិច្ចប្រជុំគណៈរដ្ឋមន្ត្រី បន្ទាប់ពីក្រុមប្រឹក្សាសន្តិសុខជាតិថៃអាចនឹងរឹតបន្តឹងលើការគ្រប់គ្រងការនាំចេញប្រេងឥន្ធនៈ និងសម្ភារៈយុទ្ធសាស្ត្រទៅកាន់កម្ពុជា។

នៅពេលត្រូវបានសាកសួរថា តើសហរដ្ឋអាមេរិកអាចនឹងប្រើប្រាស់ពន្ធគយដើម្បីដាក់សម្ពាធលើថៃឱ្យបញ្ឈប់ការប្រយុទ្ធជាមួយកម្ពុជាដែរឬទេ រដ្ឋមន្ត្រីពាណិជ្ជកម្មថៃបាននិយាយថា បញ្ហានេះមិនត្រូវបានលើកឡើងជាផ្លូវការជាមួយលោកស្រីនោះឡើយ។

ការទទួលស្គាល់នេះបានកើតឡើងនៅថ្ងៃអង្គារ ទី១៦ ខែធ្នូ បន្ទាប់ពីកាសែតថៃ Khaosod បានផ្សព្វផ្សាយព័ត៌មានអំពីភាពយឺតយ៉ាវក្នុងកិច្ចចរចាពាណិជ្ជកម្មរវាងប្រទេសទាំងពីរ។