By រុស្ស៊ី និងចិន បានរិះគន់យ៉ាងខ្លាំងចំពោះការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ ដោយទីក្រុងមូស្គូលើកឡើងថា «មិនឃើញភស្តុតាង» ណាមួយបង្ហាញថាទីក្រុងតេហេរ៉ង់កំពុងអភិវឌ្ឍអាវុធនុយក្លេអ៊ែរ។
ទីក្រុងប៉េកាំងបានទាមទារឱ្យបញ្ឈប់ការវាយប្រហារជាបន្ទាន់ ដោយអះអាងថាការប្រើកម្លាំងមិនអាចដោះស្រាយបញ្ហាបានពិតប្រាកដទេ។
យោងតាម Al Jazeera ចុះផ្សាយថ្ងៃទី០៤ ខែមីនា ឆ្នាំ២០២៦ រដ្ឋមន្ត្រីការបរទេសចិន លោក វ៉ាង យី (Wang Yi) បានប្រាប់សមភាគីអ៊ីស្រាអែល លោក Gideon Saar កាលពីថ្ងៃអង្គារថា ការវាយប្រហារលើអ៊ីរ៉ង់បានកើតឡើង ខណៈការចរចារវាងទីក្រុងវ៉ាស៊ីនតោន និងទីក្រុងតេហេរ៉ង់មានវឌ្ឍនភាពគួរឱ្យកត់សម្គាល់។
លោក វ៉ាង បានប្រាប់រដ្ឋមន្ត្រីការបរទេសអ៊ីស្រាអែលអំឡុងពេលសន្ទនាតាមទូរស័ព្ទថា៖ «ជាអកុសល ដំណើរការនេះត្រូវបានរំខានដោយសកម្មភាពយោធា។ ប្រទេសចិនប្រឆាំងនឹងការវាយប្រហារយោធាណាមួយ ដែលធ្វើឡើងដោយអ៊ីស្រាអែលនិងសហរដ្ឋអាមេរិកប្រឆាំងនឹងអ៊ីរ៉ង់»។
លោកបន្តទៀតថា៖ «ប្រទេសចិនអំពាវនាវឱ្យបញ្ឈប់ប្រតិបត្តិការយោធាជាបន្ទាន់ ដើម្បីទប់ស្កាត់ការកើនឡើងបន្ថែមទៀត និងការបាត់បង់ការគ្រប់គ្រងលើជម្លោះ។ ការប្រើកម្លាំងមិនអាចដោះស្រាយបញ្ហាបានពិតប្រាកដទេ។ ផ្ទុយទៅវិញ វានឹងនាំមកនូវបញ្ហាថ្មីៗ និងផលវិបាកធ្ងន់ធ្ងររយៈពេលវែង»។
យោងតាមក្រសួងការបរទេសចិន លោក Saar បានយល់ព្រមតាមសំណើរបស់លោក វ៉ាង ក្នុងការចាត់វិធានការជាក់ស្តែង ដើម្បីធានាសុវត្ថិភាពបុគ្គលិក និងស្ថាប័នចិននៅក្នុងប្រទេសអ៊ីរ៉ង់។
ការអំពាវនាវកាលពីថ្ងៃអង្គារជាមួយអ៊ីស្រាអែល និងកិច្ចខិតខំប្រឹងប្រែងជាក់ស្តែងរបស់ទីក្រុងប៉េកាំង ដើម្បីធ្វើយ៉ាងណាឱ្យស្ថានភាពក្នុងតំបន់មានស្ថិរភាពឡើងវិញ។
