ទាហានអាមេរិក៦នាក់ស្លាប់ក្នុងការវាយប្រហារដោយដ្រូនអ៊ីរ៉ង់នៅគុយវ៉ែត

មន្ទីរបញ្ចកោណបានប្រកាសអត្តសញ្ញាណទាហានអាមេរិកចំនួន៤នាក់ ក្នុងចំណោមទាហាន៦នាក់ដែលត្រូវបានសម្លាប់ក្នុងការវាយប្រហារដោយដ្រូនរបស់អ៊ីរ៉ង់នៅប្រទេសគុយវ៉ែត។

យោងតាម ABC News ដែលចុះផ្សាយនៅថ្ងៃទី០៤ ខែមីនា ឆ្នាំ២០២៦ ទាហានទាំង៤រូបដែលបានកំណត់អត្តសញ្ញាណរួមមាន៖ លោកអនុសេនីយ៍ឯក Cody A. Khork (៣៥ឆ្នាំ), ពលបាលឯក Noah L. Tietjens (៤២ឆ្នាំ), លោកស្រី Nicole M. Amor (៣៩ឆ្នាំ) និងលោក Declan J. Coady (២០ឆ្នាំ)។

ទាហានទាំងអស់នេះត្រូវបានចាត់តាំងទៅកាន់កងបញ្ជាការទ្រទ្រង់ទី១០៣ ដែលជាអង្គភាពកងទ័ពបម្រុងមានមូលដ្ឋាននៅ Des Moines រដ្ឋ Iowa។

ឧក្រិដ្ឋកម្មនេះបានកើតឡើងនៅកំពង់ផែ Shuaiba ក្នុងប្រទេសគុយវ៉ែត ដែលជាកំពង់ផែពាណិជ្ជកម្មមួយដែលដើរតួជាមជ្ឈមណ្ឌលភស្តុភារកម្មសម្រាប់កងកម្លាំងអាមេរិក។

អត្តសញ្ញាណទាហានពីរនាក់ផ្សេងទៀតនៅតែត្រូវបានលាក់ទុក ខណៈសមាជិកយោធាចំនួន១៨នាក់បន្ថែមទៀតបានរងរបួសក្នុងការវាយប្រហារនេះ។

ទាហានទាំង៦នាក់នេះតំណាងឱ្យជនជាតិអាមេរិកដំបូងគេដែលស្លាប់នៅក្នុងសមរភូមិក្នុងសង្គ្រាមរួមគ្នារវាងសហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់។

យុទ្ធនាការរួមគ្នារវាងសហរដ្ឋអាមេរិក និងអ៊ីស្រាអែលបានចូលដល់ថ្ងៃទី៤ ដោយកងកម្លាំងអាមេរិកបានវាយប្រហារគោលដៅជាង១,៧០០ក្នុងប្រទេសអ៊ីរ៉ង់។

លោកដូណាល់ ត្រាំ និងមន្ត្រីជាន់ខ្ពស់នៃមន្ទីរបញ្ចកោណបានព្រមានថា ចំនួនអ្នកស្លាប់នឹងអាចកើនឡើងទៀត។