រថយន្តដឹកអេតចាយបើកបញ្ច្រាសទិសត្រូវម៉ូតូហុងដាបុកយ៉ាងខ្លាំង បណ្តាលឱ្យរបួសធ្ងន់ស្រាល៣នាក់នៅកំបូល

ភ្នំពេញ៖ គ្រោះថ្នាក់ចរាចរណ៍ធ្ងន់ធ្ងរបានកើតឡើងនៅថ្ងៃទី០៣ ខែមីនា ឆ្នាំ២០២៦ នៅតាមបណ្តោយផ្លូវជាតិលេខ៣ ក្នុងសង្កាត់ភ្លើងឆេះរទេះ ខណ្ឌកំបូល ដោយមានរថយន្តដឹកអេតចាយបើកបញ្ច្រាសទិសត្រូវម៉ូតូហុងដាបុកយ៉ាងខ្លាំង។

ហេតុការណ៍នេះបានកើតឡើងនៅម៉ោង១១និង៥៤នាទី នៅពេលដែលបុរសម្នាក់បើកបរម៉ូតូសណ្តោងរ៉ឺម៉កដឹកអេតចាយពេញព្រៀប ធ្វើដំណើរតាមបណ្តោយផ្លូវជាតិលេខ៣ទាំងបញ្ច្រាសទិសដៅចរាចរណ៍។ បន្ទាប់មកស្រាប់តែមានម៉ូតូហុងដាឌ្រីម បើកបរដោយបុរសម្នាក់និងអ្នករួមដំណើរម្នាក់ធ្វើដំណើរផ្លូវត្រង់ក៏ជ្រុលទៅបុកពីមុខពេញទំហឹង។

ជនរងគ្រោះទី១មានឈ្មោះ បូង សីហា ភេទប្រុស អាយុ២០ឆ្នាំ រងរបួសបែកមាត់ បាក់ធ្មេញ មានអាសយដ្ឋាននៅសង្កាត់ចោមចៅ ខណ្ឌពោធិ៍សែនជ័យ។ ជនរងគ្រោះទី២មានឈ្មោះ ម៉ន សុខធី ភេទប្រុស អាយុ៣៥ឆ្នាំ រងរបួសបែកចិញ្ចើមនិងថ្ពាល់ខាងស្តាំ។

ក្រោយកើតហេតុ ជនរងគ្រោះទាំង៣នាក់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យកុសុមៈភ្លាមៗ។ ចំណែកម៉ូតូនិងរ៉ឺម៉កត្រូវបានសមត្ថកិច្ចធ្វើការវាស់វែងយកទៅរក្សាទុករង់ចាំដោះស្រាយ។

ប្រភពព័ត៌មានបានឱ្យដឹងថា មុនពេលកើតហេតុ គេបានឃើញបុរសម្នាក់បើកបរម៉ូតូសណ្តោងរ៉ឺម៉កដឹកអេតចាយពេញព្រៀប ធ្វើដំណើរតាមបណ្តោយផ្លូវជាតិលេខ៣ទាំងបញ្ច្រាសទិសដៅចរាចរណ៍។

អាជ្ញាធរមានសមត្ថកិច្ចកំពុងស៊ើបអង្កេតហេតុផលនៃគ្រោះថ្នាក់នេះ និងរកមធ្យោបាយដោះស្រាយតាមផ្លូវច្បាប់។ ការបើកបរបញ្ច្រាសទិសនៅលើផ្លូវសាធារណៈគឺជាការខុសច្បាប់ធ្ងន់ធ្ងរ និងបង្កគ្រោះថ្នាក់ដល់អ្នកប្រើប្រាស់ផ្លូវដទៃទៀត។

ដោយ៖ សុខាសែនជ័យ