By 
រដ្ឋមន្ត្រីការបរទេសរុស្ស៊ី លោក ស៊ែរហ្គេ ឡាវរូវ បានធ្វើការសន្ទនាតាមទូរស័ព្ទជាមួយសមភាគីអ៊ីរ៉ង់ លោក អាប់បាស់ អារ៉ាហ្គឈី នៅថ្ងៃអង្គារទី៣មីនា ដោយជំរុញឲ្យមានការបន្ធូរបន្ថយភាពតានតឹងនៅតំបន់មជ្ឈិមបូព៌ា។
យោងតាមក្រសួងការបរទេសរុស្ស៊ី លោក ឡាវរូវ បានសង្កត់ធ្ងន់លើតម្រូវការក្នុងការធានាសុវត្ថិភាពប្រជាជនស៊ីវិល និងហេដ្ឋារចនាសម្ព័ន្ធស៊ីវិលនៅក្នុងប្រទេសទាំងអស់ក្នុងតំបន់។ គាត់ក៏បានអំពាវនាវឲ្យមានដំណោះស្រាយនយោបាយ និងការទូត ជំនួសឱ្យការប្រើប្រាស់កម្លាំង។
ការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ បានធ្វើឲ្យប្រទេសជាច្រើនបិទដែនអាកាស ដែលបណ្តាលឲ្យមានការលុបចោលជើងហោះហើររាប់ពាន់ជើង។ ស្ថានការណ៍នេះកំពុងប៉ះពាល់ដល់ការធ្វើដំណើរទូទាំងពិភពលោក ជាពិសេសភ្ញៀវទេសចររុស្ស៊ីដែលមានគោលដៅវិស្សមកាលនៅតំបន់ឈូងសមុទ្រ។
លោក ឡាវរូវ បានបញ្ជាក់ថា៖ «ទីក្រុងមូស្គូត្រៀមខ្លួនជួយជានិច្ចក្នុងការស្វែងរកដំណោះស្រាយសន្តិភាព»។
