អាមេរិកមានមូលដ្ឋានទ័ព៧កន្លែងជុំវិញអ៊ីរ៉ង់ ត្រៀមឆ្លើយតបការវាយប្រហារពីអ៊ីរ៉ង់

ភាពតានតឹងយោធារវាងអ៊ីរ៉ង់ និងសហរដ្ឋអាមេរិក-អ៊ីស្រាអែល បានរីករាលដាលយ៉ាងខ្លាំងនៅតំបន់មជ្ឈិមបូព៌ា ក្រោយអ៊ីរ៉ង់បានបាញ់មីស៊ីល និងដ្រូនជាបន្តបន្ទាប់ទៅលើមូលដ្ឋានយោធាអាមេរិកនៅប្រទេសជុំវិញ។

ទោះបីជាស្ថិតនៅឆ្ងាយរាប់ពាន់គីឡូម៉ែត្រពីអ៊ីរ៉ង់ក៏ដោយ សហរដ្ឋអាមេរិកនៅតែមានសមត្ថភាពយោធានៅគ្រប់ប្រទេសក្បែរអ៊ីរ៉ង់ ដើម្បីឆ្លើយតបការវាយប្រហារពីអ៊ីរ៉ង់។

យោងតាម The Hindu និង Reuters ការវាយប្រហារសងសឹករបស់អ៊ីរ៉ង់បានកើតឡើងបន្ទាប់ពីម៉ោងខ្លះដែលកងកម្លាំងអាមេរិក និងអ៊ីស្រាអែលចាប់ផ្តើមធ្វើការវាយប្រហារយោធារួមគ្នា។

ប្រធានាធិបតីសហរដ្ឋអាមេរិក លោក ដូណាល់ ត្រាំ បានអះអាងថា អ៊ីរ៉ង់បានបន្តអភិវឌ្ឍកម្មវិធីនុយក្លេអ៊ែរ និងមានគម្រោងអភិវឌ្ឍមីស៊ីលប្រឆាំងសហរដ្ឋអាមេរិក។

កងឆ្មាំបដិវត្តន៍អ៊ីរ៉ង់ (IRGC) បានចាប់ផ្តើមប្រតិបត្តិការវាយបកសងសឹកចំនួន៤ក្រុម ផ្តោតលើមូលដ្ឋានយោធាសំខាន់ៗរបស់សហរដ្ឋអាមេរិកនៅទូទាំងមជ្ឈិមបូព៌ា។

ការវាយប្រហាររបស់អ៊ីរ៉ង់ប៉ះពាល់ដល់មូលដ្ឋានយោធាចំនួន៧របស់សហរដ្ឋអាមេរិកក្នុងប្រទេសចំនួន៦នៅមជ្ឈិមបូព៌ា ដែលស្ថិតនៅជុំវិញប្រទេសអ៊ីរ៉ង់។

ទីតាំងមូលដ្ឋានទ័ពរបស់សហរដ្ឋអាមេរិកនៅតំបន់មជ្ឈិមបូព៌ារួមមាន៖

១. មូលដ្ឋានទ័ព Al Udeid ប្រទេសកាតា – មូលដ្ឋានធំបំផុត ជាមជ្ឈមណ្ឌលបញ្ជាការកណ្តាលសហរដ្ឋអាមេរិក (CENTCOM)
២. មូលដ្ឋានទ័ព Al Dhafra ប្រទេសអារ៉ាប់រួម – មានយោធាអាមេរិកប្រមាណ៥,០០០នាក់
៣. មូលដ្ឋានទ័ព Ali Al-Salem ប្រទេសគុយវ៉ែត – ស្គាល់ថា «The Rock»
៤. មូលដ្ឋានទ័ព NSA បារ៉ែន – មជ្ឈមណ្ឌលបញ្ជាការកងទ័ពជើងទឹក
៥. មូលដ្ឋានទ័ព Muwaffaq Al-Salti ប្រទេសហ្ស៊កដានី – មានសមត្ថភាពបាញ់ទម្លាក់មីស៊ីល
៦. មូលដ្ឋានទ័ព Ain Al-Asad ប្រទេសអ៊ីរ៉ាក់ – មានសមត្ថភាពការពារខ្ពស់
៧. មូលដ្ឋានទ័ព Erbil ប្រទេសអ៊ីរ៉ាក់ – មានសមត្ថភាពទប់ទល់នឹងការវាយប្រហារដោយមីស៊ីលច្រើនគ្រាប់ក្នុងពេលតែមួយ

ការវាយប្រហារទាំងនេះបណ្តាលឲ្យមានផលរំខានខ្លះ ប៉ុន្តែមិនអាចធ្វើឲ្យមូលដ្ឋានទាំងនេះលែងដំណើរការទាំងស្រុងបានទេ។ សហរដ្ឋអាមេរិកនៅតែមានសមត្ថភាពឆ្លើយតបការវាយប្រហារពីអ៊ីរ៉ង់។