By ភ្នំពេញ៖ ទិន្នន័យទេសចរណ៍ចិនបានផ្ទុះឡើងដល់កម្រិតខ្ពស់បំផុតក្នុងប្រវត្តិសាស្ត្រ ដោយមានភ្ញៀវទេសចរក្នុងស្រុកជិត៦០០លាននាក់ក្នុងអំឡុងពេលបុណ្យចូលឆ្នាំថ្មីប្រពៃណីចិន៩ថ្ងៃ។
លោក ស៊ុន យេលី រដ្ឋមន្ត្រីក្រសួងវប្បធម៌ និងទេសចរណ៍ចិន បានបង្ហាញនៅសន្និសីទសារព័ត៌មានកាលពីថ្ងៃទី៧មីនា ថាក្នុងអំឡុងពេលវិស្សមកាលបុណ្យចូលឆ្នាំថ្មីប្រពៃណីចិនឆ្នាំ២០២៦ ចំនួនភ្ញៀវទេសចរក្នុងស្រុកបានឈានដល់៥៩៦លាននាក់ និងចំណាយលើវិស័យទេសចរណ៍លើសពី៨០០ប៊ីលានយាន់។ ទិន្នន័យទាំងពីរនេះបានបង្កើតកំណត់ត្រាថ្មីក្នុងប្រវត្តិសាស្ត្រ។
ក្នុងឆ្នាំ២០២៥ ទីផ្សារវប្បធម៌ និងទេសចរណ៍ចិនក៏មានដំណើរការល្អគួរឱ្យកត់សម្គាល់ផងដែរ។ ការធ្វើដំណើរទេសចរណ៍ក្នុងស្រុកលើសពី៦.៥ប៊ីលាននាក់ កើនឡើងជាង១៦% បើប្រៀបធៀបនឹងរយៈពេលដូចគ្នានៅឆ្នាំ២០២៤។ ការចំណាយលើវិស័យទេសចរណ៍បានឈានដល់៦.៣ទ្រីលានយាន់ កើនឡើង៩.៥%។
វិស័យទេសចរណ៍ចូលប្រទេសក៏មានកំណើនយ៉ាងខ្លាំងដែរ ដោយមានភ្ញៀវទេសចរចូលលើសពី១៥០លាននាក់ពេញមួយឆ្នាំ កើនឡើងជាង១៧% និងការចំណាយលើសពី១៣០ប៊ីលានដុល្លារ។ ក្នុងនោះមានភ្ញៀវទេសចរបរទេសជាង៣០លាននាក់ដែលមកពីប្រទេសដែលលើកលែងទិដ្ឋាការ។
ដោយសារទទួលបានផលប្រយោជន៍ពីការសម្រួលដល់ការទូទាត់ប្រាក់សម្រាប់ភ្ញៀវទេសចរចូលដែនចិន ការចំណាយលើការទូទាត់ថវិការតាមទូរស័ព្ទរបស់ភ្ញៀវទេសចរចូលមកក្នុងប្រទេសមានចំនួនប្រមាណ៨០ប៊ីនលានយាន់។
ពាក្យ “ការក្លាយជាជនជាតិចិន” បានក្លាយជាពាក្យពេញនិយមនៅលើអ៊ីនធឺណិត ហើយការដកបទពិសោធន៍រថភ្លើងល្បឿនលឿន និងសម្លៀកបំពាក់ប្រពៃណីជនជាតិហាន បានក្លាយជាមធ្យោបាយសំខាន់ៗសម្រាប់ភ្ញៀវទេសចរបរទេសក្នុងការទទួលបានបទពិសោធន៍ជីវិតជនជាតិចិន។
ប្រភព៖ (CCFR)
