«យើងលែងត្រូវការអ្នកទៀត!»៖ ត្រាំវាយបកខ្លាំងមេដឹកនាំអង់គ្លេស ពីការយឺតយ៉ាវគាំទ្រសង្គ្រាមអ៊ីរ៉ង់

ភ្នំពេញ៖ លោក ដូណាល់ ត្រាំ អតីតប្រធានាធិបតីសហរដ្ឋអាមេរិក បានវាយបកយ៉ាងខ្លាំងទៅលើលោក Keir Starmer នាយករដ្ឋមន្ត្រីអង់គ្លេស ដោយបញ្ជាក់ថា អាមេរិកលែងត្រូវការជំនួយយោធាពីអង់គ្លេសទៀតហើយ។ ការរិះគន់នេះកើតឡើងបន្ទាប់ពីលោក Starmer បានរារែកក្នុងការគាំទ្រការវាយប្រហារលើអ៊ីរ៉ង់។

តាមការចុះផ្សាយរបស់ BBC កាលពីថ្ងៃទី៨ ខែមីនា ឆ្នាំ២០២៦ លោកត្រាំបានសរសេរសារបង្ហោះលើបណ្ដាញសង្គមថា៖ «មិនអីទេ នាយករដ្ឋមន្ត្រី Starmer យើងលែងត្រូវការពួកគេទៀតហើយ។ យើងមិនត្រូវការអ្នកដែលចូលមកជួយក្នុងសង្គ្រាម នៅពេលដែលយើងបានឈ្នះទៅហើយនោះទេ!»។

ទោះបីជាអង់គ្លេសទើបតែអនុញ្ញាតឲ្យអាមេរិកប្រើមូលដ្ឋានទ័ព និងត្រៀមបញ្ជូននាវាដឹកយន្តហោះក៏ដោយ ក៏លោកត្រាំនៅតែមិនពេញចិត្តនឹងការយឺតយ៉ាវរបស់អង់គ្លេស។

ជម្លោះពាក្យសម្តីនេះកើតឡើងក្នុងពេលដែលរដ្ឋមន្ត្រីការបរទេសអង់គ្លេស លោក Marco Rubio ក៏បានរិះគន់ចំៗទៅលើ «សម្ព័ន្ធមិត្ត» ដែលមិនព្រមជួយគ្នាក្នុងគ្រាអាសន្ន។ ខាងយោធាអង់គ្លេសបានអះអាងថា ខ្លួនកំពុងត្រៀមលក្ខណៈនាវាចម្បាំង HMS Prince of Wales ប៉ុន្តែអ្នករិះគន់យល់ថា លោក Starmer បារម្ភពីការបោះឆ្នោតក្នុងស្រុកជាងទំនាក់ទំនងជាមួយអាមេរិក។