By ខេត្តស្ទឹងត្រែង៖ លោក ទូច គង្គា សមាជិកគណៈកម្មាធិការគណបក្សខេត្ត អនុប្រធានយុវជនគណបក្សខេត្ត និងជាអនុប្រធានក្រុមទី១ ក្រុមការងារគណបក្សចុះមូលដ្ឋានស្រុកបុរីអូរស្វាយសែនជ័យ បានដឹកនាំកិច្ចប្រជុំគណៈពង្រឹងក្រុមការងារបក្សនៅថ្ងៃទី៨ ខែមីនា ឆ្នាំ២០២៦។
កិច្ចប្រជុំនេះមានគោលបំណងត្រួតពិនិត្យ និងកែសម្រួលសេចក្តីសម្រេចស្ដីពីក្រុមការងារគណបក្សចុះមូលដ្ឋានស្រុក ឃុំ និងភូមិ។ កិច្ចប្រជុំមានអ្នកចូលរួមចំនួន ៨៣នាក់ ក្នុងនោះមានស្ត្រី ២១នាក់។
បន្ទាប់ពីកិច្ចប្រជុំ លោក ទូច គង្គា បានឧបត្ថម្ភស្ត្រីទាំង ២១រូប ដើម្បីអបអរសាទរទិវានារីអន្តរជាតិ ៨ មីនា។ ស្ត្រីម្នាក់ៗទទួលបានថវិកាចំនួន ៥០,០០០រៀល សរុបរួមអស់ថវិកាចំនួន ១,០៥០,០០០រៀល។
នៅពេលថ្ងៃត្រង់ដដែល លោក ទូច គង្គា បានដឹកនាំក្រុមការងារចូលរួមបុណ្យសពលោក សុខ គឹមសេន មេភូមិ និងជាប្រធានសាខាបក្សភូមិឬទ្ធីសែនជ័យ១។ ក្រុមបាននាំយកអំណោយរួមជាច្រើន រួមមានអង្ករ ៧៥គីឡូ ទឹកត្រី ទឹកសុីអុីវ ត្រីខ មី ទឹកសុទ្ធ និងសម្ភារៈប្រើប្រាស់ផ្សេងៗ។
ក្រៅពីថវិកាផ្ទាល់របស់លោក ទូច គង្គា ចំនួន ៥០០,០០០រៀល ក៏មានថវិកាពីអ្នកឧបត្ថម្ភផ្សេងៗទៀត រួមមានថវិកាលោក ផាន់ យុត ១០០,០០០រៀល ថវិកាលោក ធឹង ម៉េង និងលោកស្រី សម្បត្តិ រចនា ៨០,០០០រៀល និងថវិកាគណៈកម្មាធិការគណបក្សឃុំអូរស្វាយម ១៥០,០០០រៀល។ សរុបថវិកាជារួមចំនួន ៨៣០,០០០រៀល។
កិច្ចប្រជុំនេះបានបង្ហាញពីការចូលរួមយ៉ាងសកម្មពីសមាជិកបក្សនៅគ្រប់ថ្នាក់ ព្រមទាំងការឧបត្ថម្ភដល់សហគមន៍និងស្ត្រីក្នុងឱកាសពិសេស។
ដោយ៖ តារា
