អាជ្ញាធរចាប់ខ្លួនជនសង្ស័យ១០នាក់ និងឃាត់យកគ្រឿងញៀនជាង៥០០ក្រាម ក្នុងប្រតិបត្តិការបង្ក្រាបថ្ងៃទី៨មីនា

ភ្នំពេញ៖ អគ្គស្នងការដ្ឋាននគរបាលជាតិ បានចេញប្រកាសលទ្ធផលប្រតិបត្តិការបង្ក្រាបបទល្មើសគ្រឿងញៀនទូទាំងប្រទេស នៅថ្ងៃទី៨ ខែមីនា ឆ្នាំ២០២៦ ដោយឃាត់ខ្លួនជនសង្ស័យចំនួន១០នាក់ និងឃាត់យកគ្រឿងញៀនជាច្រើនប្រភេទ។

ក្នុងប្រតិបត្តិការនេះ អាជ្ញាធរបានដោះស្រាយករណីចំនួន៦ករណី ដោយឃាត់ខ្លួនជនសង្ស័យទាំង១០នាក់ដែលជាបុរសទាំងអស់។ ក្នុងចំណោមជនសង្ស័យទាំងនេះ រួមមាន៖

• ជួញដូរ១ករណី ឃាត់៤នាក់
• ដឹកជញ្ជូន និងរក្សាទុក៣ករណី ឃាត់៤នាក់
• ប្រើប្រាស់២ករណី ឃាត់២នាក់
• អ្នកមានផ្ទុកសារធាតុញៀន២នាក់

អាជ្ញាធរបានឃាត់យកវត្ថុតាងសរុបដូចខាងក្រោម៖
• មេតំហ្វេតាមីន ម៉ាទឹកកក (Ice) សរុប ៥៣៤,១៨ក្រាម
• កេតាមីន (Ke) សរុប ២៤,៨២ក្រាម

ប្រតិបត្តិការនេះមានកម្លាំងអាជ្ញាធរចំនួន៣អង្គភាពចូលរួម រួមមាន៖

១. កម្លាំងនគរបាលជាតិ១អង្គភាព នៅខេត្តបាត់ដំបង៖ បានដោះស្រាយករណីជួញដូរ១ករណី រក្សាទុក១ករណី ប្រើប្រាស់១ករណី និងអនុវត្តដីកា១ករណី ដោយឃាត់ខ្លួន៧នាក់ និងឃាត់យក Ice ៥២៧,៤៤ក្រាម និង Ke ២៤,៨២ក្រាម។

២. កងរាជអាវុធហត្ថខេត្តបាត់ដំបង៖ រក្សាទុក១ករណី ឃាត់២នាក់ ចាប់យក Ice ៦,៧៤ក្រាម។

៣. កងរាជអាវុធហត្ថរាជធានីភ្នំពេញ៖ រក្សាទុក១ករណី ឃាត់១នាក់។

៤. កងរាជអាវុធហត្ថខេត្តសៀមរាប៖ ប្រើប្រាស់១ករណី ឃាត់១នាក់។

អាជ្ញាធរបន្តដាក់ពាក្យអំពាវនាវដល់ប្រជាពលរដ្ឋទាំងអស់ឱ្យចៀសវាងពីការប្រើប្រាស់ និងជួញដូរគ្រឿងញៀន ដែលជាអំពើបំផ្លាញអនាគតខ្លួនឯង និងក្រុមគ្រួសារ។

ដោយ៖ តារា