By ខេត្តព្រះសីហនុ៖ សមត្ថកិច្ចខេត្តព្រះសីហនុ បានចុះប្រតិបត្តិការបង្ក្រាបករណី Scam Online និងជនបរទេសស្នាក់នៅខុសច្បាប់ នៅលើទីតាំងបុរីស៊ីឡុងប៊េ ស្ថិតនៅភូមិអុង សង្កាត់រាម ក្រុងកំពង់សោម កាលពីរសៀលថ្ងៃទី៩ មីនា ២០២៦។
ប្រតិបត្តិការនេះដឹកនាំដោយលោក មីន កុម្ភៈ អភិបាលរងខេត្ត ដោយមានការសម្របសម្រួលពីលោក ឆាយ សុត្រា ព្រះរាជអាជ្ញារង អមសាលាដំបូងខេត្ត តាមបទបញ្ជារបស់លោកម៉ាងស៊ីណេត អភិបាលខេត្ត។
លទ្ធផលប្រតិបត្តិការបានឃាត់ខ្លួនជនបរទេសចំនួន ៧៧ នាក់ រួមជាមួយកុំព្យូទ័រ ៧៧ គ្រឿង និងទូរស័ព្ទច្រើនគ្រឿងទៀត។ ជនបរទេស និងវត្ថុតាងទាំងនេះត្រូវបានបញ្ជូនទៅស្នងការដ្ឋានដើម្បីបន្តនីតិវិធី។
នេះជាសកម្មភាពសំខាន់មួយក្នុងការថែរក្សាសន្តិសុខ សណ្តាប់ធ្នាប់សាធារណៈ និងការអនុវត្តច្បាប់យ៉ាងតឹងរ៉ឹង ជាពិសេសលើការបង្ក្រាបបទល្មើសឆបោកតាមអនឡាញ និងការគ្រប់គ្រងជនបរទេសស្នាក់នៅខុសច្បាប់។
ការចុះប្រតិបត្តិការដែលទទួលបានលទ្ធផលជាក់ស្តែងនេះ បញ្ជាក់ពីភាពមិនអត់ឱនរបស់សមត្ថកិច្ចកម្ពុជាចំពោះសកម្មភាពខុសច្បាប់ទាំងឡាយ។
