By រាជធានីភ្នំពេញ៖ សហព័ន្ធកីឡាជឺជីតស៊ូកម្ពុជាមានមោទនភាពយ៉ាងខ្លាំងចំពោះការរីកចម្រើនយ៉ាងគំហុកនៃកីឡាប្រភេទនេះនៅក្នុងប្រទេសកម្ពុជា ដោយមើលឃើញសន្ទុះការចូលរួមកើនឡើងពីមួយឆ្នាំទៅមួយឆ្នាំ។
លោក ថោង បញ្ញាធន ប្រធានសហព័ន្ធកីឡាជឺជីតស៊ូកម្ពុជា បានឱ្យដឹងថា កីឡាជឺជីតស៊ូកំពុងទទួលបានការចាប់អារម្មណ៍ពីសំណាក់មហាជនកាន់តែខ្លាំង ដែលជាហេតុធ្វើឱ្យវិស័យកីឡាប្រយុទ្ធមួយនេះមានសន្ទុះរីកចម្រើនគួរឱ្យកត់សម្គាល់។
យោងតាមរបាយការណ៍របស់គណៈកម្មការរៀបចំការប្រកួតបានឱ្យដឹងថា៖
• ឆ្នាំ២០២២ (លើកទី១)៖ អត្តពលិក៦៥នាក់ ក្លិប៧
• ឆ្នាំ២០២៣ (លើកទី២)៖ អត្តពលិក១២១នាក់ ក្លិប១៤
• ឆ្នាំ២០២៤ (លើកទី៣)៖ អត្តពលិក១២៣នាក់ ក្លិប១២
• ឆ្នាំ២០២៥ (លើកទី៤)៖ អត្តពលិក២៣០នាក់ ក្លិប១៨
លោក សំអុន បូរមី អគ្គលេខាធិការសហព័ន្ធកីឡាជឺជីតស៊ូកម្ពុជា បានលើកឡើងថា៖ “ការប្រកួតជើងឯកថ្នាក់ជាតិលើកទី៤ឆ្នាំ២០២៥នេះមានសន្ទុះនៃការគាំទ្រច្រើនពីបណ្ដាកីឡាករ កីឡាការិនី និងក្លិបផ្សេងៗនៅកម្ពុជា។ ពីមួយឆ្នាំទៅមួយឆ្នាំ ចំនួនអ្នកចូលរួមមានការកើនឡើងជាបន្តបន្ទាប់។”
លោកបន្ថែមទៀតថា ការប្រកួតថ្នាក់ជាតិនៅឆ្នាំក្រោយអាចនឹងរៀបចំនៅឯខេត្តសៀមរាបវិញម្ដង ដើម្បីចូលរួមផ្សព្វផ្សាយពីខេត្តតំបន់ទេសចរណ៍នៅទីនោះផង និងជាការផ្លាស់ប្ដូរបរិយាកាសថ្មី។
សហព័ន្ធកីឡាជឺជីតស៊ូកម្ពុជាបានបិទបញ្ចប់ការប្រកួតជើងឯកថ្នាក់ជាតិលើកទី៤ឆ្នាំ២០២៥របស់ខ្លួនហើយកាលពីថ្ងៃទី៨ខែមីនា ឆ្នាំ២០២៦ នៅសាកលវិទ្យាល័យភូមិន្ទភ្នំពេញ។
