By ភ្នំពេញ៖ លោក ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នឹងចាកចេញពីព្រះរាជាណាចក្រកម្ពុជាដើម្បីធ្វើទស្សនកិច្ចផ្លូវការទៅកាន់ប្រទេសនូវែលសេឡង់ និងអូស្ត្រាលី នាខែមីនាខាងមុខនេះ។
ទស្សនកិច្ចនេះត្រូវបានធ្វើឡើងតាមការអញ្ជើញរបស់លោក វីនស្តុន ភីធឺរ រដ្ឋមន្ត្រីការបរទេសនូវែលសេឡង់ និងលោកស្រី ផេននី វង រដ្ឋមន្ត្រីការបរទេសអូស្ត្រាលី។ លោក ប្រាក់ សុខុន នឹងចូលរួមជំនួបទ្វេភាគីជាមួយថ្នាក់ដឹកនាំរបស់ប្រទេសទាំងពីរ ដើម្បីពង្រឹងទំនាក់ទំនង និងកិច្ចសហប្រតិបត្តិការលើគ្រប់វិស័យ។
កាលវិភាគទស្សនកិច្ចបង្ហាញថា លោកនឹងស្នាក់នៅប្រទេសនូវែលសេឡង់ពីថ្ងៃទី១៣ ដល់១៤ ខែមីនា ឆ្នាំ២០២៦ រួចបន្តទៅប្រទេសអូស្ត្រាលីពីថ្ងៃទី១៥ ដល់១៦ ខែមីនា។ ជំនួបទាំងនេះផ្តល់ឱកាសល្អក្នុងការពង្រីកកិច្ចសហប្រតិបត្តិការទ្វេភាគី និងចូលរួមចំណែកដល់សន្តិភាព សន្តិសុខ និងស្ថិរភាពក្នុងតំបន់។
ដំណើរទស្សនកិច្ចនេះគឺជាសក្ខីភាពនៃចំណងមិត្តភាពយូរអង្វែង និងកិច្ចសហប្រតិបត្តិការប្រកបដោយផ្លែផ្ការវាងកម្ពុជា ជាមួយនូវែលសេឡង់ និងអូស្ត្រាលី។ កិច្ចសន្ទនានឹងផ្តោតលើការពង្រឹងទំនាក់ទំនងពាណិជ្ជកម្ម វិស័យវិនិយោគ និងកិច្ចសហប្រតិបត្តិការអប់រំ វប្បធម៌។
ដោយ៖ តារា
