By ភ្នំពេញ៖ កម្លាំងសមត្ថកិច្ចនគរបាលជាតិបានបង្ក្រាបក្មេងទំនើងចំនួន ៧៧ នាក់ក្នុងរយៈពេល ១ សប្តាហ៍ពេញ ចាប់ពីថ្ងៃទី១ ដល់ទី៧ ខែមីនា ឆ្នាំ២០២៦ និងបានកសាងសំណុំរឿងបញ្ជូនទៅតុលាការទាំងអស់។
តាមរបាយការណ៍ក្រសួងមហាផ្ទៃ ប្រតិបត្តិការនេះរួមមានការឃាត់ខ្លួនក្នុងរាជធានីភ្នំពេញ និងខេត្តជាច្រើនដូចជា កំពត កំពង់ធំ ព្រះវិហារ ក្រចេះ ត្បូងឃ្មុំ និងស្វាយរៀង។ សមត្ថកិច្ចកំពុងស្រាវជ្រាវតាមឃាត់ខ្លួនក្មេងទំនើងដែលរត់គេចខ្លួនទៀត។
សម្ដេចនាយករដ្ឋមន្រ្តី ហ៊ុន ម៉ាណែត បានសង្កត់ធ្ងន់ឱ្យអាជ្ញាធរអនុវត្តវិធានការក្ដៅបង្ក្រាបក្មេងទំនើងដោយគ្មានការលើកលែង ខណៈអាណាព្យាបាលត្រូវយកចិត្តទុកដាក់អប់រំកូនចៅ និងសហការផ្ដល់ព័ត៌មានជូនសមត្ថកិច្ច។
ឯកឧត្តមរដ្ឋមន្រ្តីក្រសួងមហាផ្ទៃ ស សុខា បានណែនាំឱ្យរដ្ឋបាលថ្នាក់ក្រោមជាតិកំណត់យកការដោះស្រាយបញ្ហាក្មេងទំនើងជាវិញ្ញាសាអាទិភាព ខណៈកម្លាំងនគរបាលត្រូវបង្កើនសកម្មភាពល្បាតតាមដាន។
ចំណាំថា កាលពីខែកុម្ភៈ នគរបាលជាតិបានបង្ក្រាបក្មេងទំនើង១០៤ករណី ឃាត់ខ្លួន៣៧៦នាក់ និងបញ្ជូនទៅតុលាការរួចហើយ។
ប្រភព៖ អគ្គនាយកដ្ឋានអន្តោប្រវេសន៍
