By សង្ក្រាមអ៉ីរ៉ង់៖ នាវាដឹកប្រេងពីរគ្រឿងត្រូវបានវាយប្រហារយ៉ាងធ្ងន់ធ្ងរក្នុងដែនទឹកភាគខាងត្បូងអ៉ីរ៉ាក់ បណ្តាលឱ្យមនុស្សម្នាក់ស្លាប់ និងមនុស្សពីរនាក់បាត់ខ្លួន។ ការវាយប្រហារនេះកើតឡើងនៅយប់ថ្ងៃទី១១ មីនា ក្នុងពេលតំបន់មជ្ឈិមបូព៌ាកំពុងហែកហួរដោយភាពតានតឹង។
តាមការអះអាងរបស់នាយកអាជ្ញាធរកំពង់ផែអ៉ីរ៉ាក់ សមាជិកក្រុមនាវិកម្នាក់បានស្លាប់ ហើយមនុស្ស៣៨នាក់ត្រូវបានជួយសង្គ្រោះ។ ប្រតិបត្តិការរុករកកំពុងបន្តដើម្បីស្វែងរកអ្នកបាត់ខ្លួនពីរនាក់ទៀត។ ទូរទស្សន៍រដ្ឋអ៉ីរ៉ាក់បានផ្សាយរូបភាពនាវាមួយគ្រឿងក្នុងសមុទ្រដែលមានភ្លើងឆេះយ៉ាងខ្លាំង និងជះផ្សែងឡើងលើខ្មៅខ្មួល។
នាគ្រាដំបូងមានសេចក្តីរាយការណ៍ពីការវាយប្រហារនាវាដឹកប្រេងតែមួយគ្រឿងទេ មុនបញ្ជាក់ថាមាននាវាដឹកប្រេងដល់ទៅពីរគ្រឿងរងការវាយប្រហារក្នុងដែនទឹកអ៉ីរ៉ាក់។ តាមទីភ្នាក់ងារព័ត៌មានអ៉ីរ៉ាក INA ភ្នាក់ងារសន្តិសុខអ៉ីរ៉ាក់រាយការណ៍ពីនាវាដឹកប្រេងពីរគ្រឿងរងការវាយប្រហារក្នុងអំពើវិច្ឆេទកម្មមួយ។
នាវាមួយគ្រឿងក្នុងចំណោមនាវាទាំងពីរគ្រឿងនោះដោតទង់ជាតិម៉ាល់តា។ និយោជិតម្នាក់នៃកំពង់ផែប្រេងអ៉ីរ៉ាក់នៅក្រុងបាស្រាគូសបញ្ជាក់ថា មិនទាន់ច្បាស់ឡើយថា នោះជាការវាយប្រហារដោយសារដ្រូន ឬមួយក៏ជាការបុករបស់នាវាផ្ទុកគ្រឿងផ្ទុះដែលតាមលក្ខណៈបច្ចេកទេសនិយមប្រើដោយអ៉ីរ៉ង់សម្រាប់វាយប្រហារបណ្តានាវា។
ការវាយប្រហារនាវាដឹកប្រេងទាំងពីរគ្រឿងនោះកើតមានប៉ុន្មានម៉ោងប៉ុណ្ណោះ បន្ទាប់ពីការព្រមានរបស់ស្ថានទូតអាមេរិកប្រចាំក្រុងបាដាដ ពីលទ្ធភាពនៃការវាយប្រហារបែបនោះរបស់អ៉ីរ៉ង់និងសម្ព័ន្ធមិត្ត ប្រឆាំងបណ្តាហេដ្ឋារចនាសម្ព័ន្ធប្រេងនិងថាមពលដែលជារបស់អាមេរិកក្នុងនៅអ៉ីរ៉ាក់។
កាលពីថ្ងៃទី១០មីនា អ៉ីរ៉ង់ប្រកាសថា នឹងមិនអនុញ្ញាតឱ្យមានការនាំចេញប្រេង១លីត្រណារបស់តំបន់ទៅកាន់ពួកសត្រូវនិងដៃគូរបស់ពួកគេរហូតដល់មានបទបញ្ជាជាថ្មី។ ព្រឹត្តិការណ៍នេះកើតឡើងក្នុងដែនទឹកនៃឈូងសមុទ្រពែរ្ស៍និងច្រកសមុទ្រORMUZ ដែលអាចធ្វើឱ្យស្ទះដល់ពាណិជ្ជកម្មប្រេងពិភពលោក។
