By 
អ៉ីរ៉ង់បានចាប់ផ្ដើមយុទ្ធសាស្ត្រដាក់មីនរាប់ពាន់គ្រាប់តាមច្រកសមុទ្រ Hormuz ដែលធ្វើឱ្យស្ទះស្ទើរទាំងស្រុងនូវចរាចរណ៍នាវាពាណិជ្ជកម្ម និងគំរាមកំហែងយ៉ាងធ្ងន់ធ្ងរដល់សេដ្ឋកិច្ចពិភពលោក។
តាមរបាយការណ៍ពីទីភ្នាក់ងារសមុទ្រអង់គ្លេស UKMTO នាវាជាង ១៧ គ្រឿងបានរងការវាយប្រហារក្នុងឈូងសមុទ្រពែរ្ស ហើយនាវាដែលសាកល្បងឆ្លងកាត់តំបន់នេះជារឿយៗត្រូវរងការឆាបឆេះ។
អ្នកជំនាញយោធាបានប៉ាន់ស្មានថា អ៉ីរ៉ង់មានមីនសម្រាប់ដាក់ក្នុងទឹកចំនួនពី ៥,០០០ ទៅ ៦,០០០ គ្រាប់ រួមទាំងមីនដាក់ក្នុងបាតសមុទ្រ និងមីនវ៉ង់ទូសដែលអាចបំផ្លាញសំបកនាវា។ យុទ្ធសាស្ត្រនេះធ្វើឱ្យស្មុគ្រស្មាញយ៉ាងខ្លាំងដល់ការនាំចេញឧស្ម័នធម្មជាតិ និងប្រេងកាតពីតំបន់ដើមបូព៌ាកណ្ដាល។
អតីតឧត្ដមនាវីបារាំងម្នាក់បានលើកឡើងថា៖ “មីនគឺជាអាវុធរបស់អ្នកក្រ ហើយត្រូវបានប្រើដោយពួកភេរវករផងដែរ។ វាជាការគំរាមកំហែងខ្លាំងដល់ពាណិជ្ជកម្មតាមសមុទ្រ និងសេរីភាពនៃការធ្វើនាវាចរណ៍របស់កងទ័ពជើងទឹក។”
យុទ្ធសាស្ត្រដាក់មីននេះមិនមែនជារឿងថ្មីទេ ដោយអ៉ីរ៉ង់ធ្លាប់ប្រើវាកាលក្នុងជម្លោះជាមួយអ៉ីរ៉ាក់ក្នុងទសវត្សឆ្នាំ១៩៨០។ ក្នុងសង្គ្រាមឈូងសមុទ្រឆ្នាំ១៩៩១ កងទ័ពអ៉ីរ៉ាក់បានដាក់រាយមីនចំនួន ១,៣០០ គ្រាប់ ដែលធ្វើឱ្យនាវាចម្បាំងអាមេរិក ២ គ្រឿងខូចខាតធ្ងន់ធ្ងរ រួមមាននាវាពិឃាត USS PRINCETON។
ពួកលោកខាងលិចមានមធ្យោបាយដោះមីនតាមសមុទ្រ ប៉ុន្តែដំណើរការនេះត្រូវការពេលវេលាយូរ និងស្មុគ្រស្មាញយ៉ាងខ្លាំង។ ការដាក់មីនរាប់ពាន់គ្រាប់នៅច្រកសមុទ្រ Hormuz នឹងធ្វើឱ្យដំណើរការដោះមីនចំណាយពេលជាង ២ ឆ្នាំដូចករណីកន្លងមក។
