គ្រោះថ្នាក់នៅច្រកសមុទ្រហរមុហ្ស៖ នាវាថៃរងការវាយប្រហារ បាត់ខ្លួន៣នាក់

នាវាដឹកទំនិញដោតទង់ជាតិថៃឈ្មោះ MAYUREE NAREE ត្រូវបានរងការវាយប្រហារនៅក្បែរច្រកសមុទ្រ Hormuz នា​ថ្ងៃទី១១ ខែមីនា នេះ ក្នុងអំឡុងពេលធ្វើដំណើរពីទីក្រុងឌូបៃ ទៅកាន់ប្រទេសឥណ្ឌា។ នេះ​បើយោង​តាម​សារព័ត៌មាន​ Thai Enquirer។

ទោះបីជារបាយការណ៍បឋមបានបញ្ជាក់ថា នាវិកទាំងអស់មានសុវត្ថិភាពក៏ដោយ ប៉ុន្តែព័ត៌មានចុងក្រោយបានបង្ហាញថា នាវិក៣​នាក់កំពុងបាត់ខ្លួន បន្ទាប់ពីនាវាបានរងការវាយប្រហារនៅផ្នែកខាងក្រោយ។

បច្ចុប្បន្ន កងទ័ពជើងទឹកភូមិន្ទថៃកំពុងខិតខំស្វែងរកបុគ្គលិកទាំង២៣​នាក់ដែលនៅលើនាវា និងកំពុងសម្របសម្រួលកិច្ចប្រឹងប្រែងជួយសង្គ្រោះនៅក្នុងតំបន់នោះ៕