ព្យុះនូរីប៉ះពាល់កម្ពុជា! ក្រសួងធនធានទឹកដាក់ប្រុងប្រយ័ត្នថ្ងៃទី១៣-១៥ មីនា

ភ្នំពេញ៖ ក្រសួងធនធានទឹក និងឧតុនិយមបានចេញការព្រមានពីឥទ្ធិពលព្យុះនូរី (Nuri) T2603 ដែលកើតចេញពីសម្ពាធទាបនៅមហាសមុទ្រប៉ាស៊ីហ្វិកខាងលិច និងប៉ះពាល់ដល់របបខ្យល់មូសុងឦសានលើកម្ពុជា។

ព្យុះនេះជាព្យុះទី៣នៃរដូវ ហើយនឹងប៉ះពាល់ដល់ធាតុអាកាសកម្ពុជាចាប់ពីថ្ងៃទី១៣ ដល់ទី១៥ ខែមីនា ឆ្នាំ២០២៦។ ក្រសួងបានបញ្ជាក់ថា ព្យុះនូរីនឹងធ្វើឱ្យមានការប្រែប្រួលអាកាសធាតុយ៉ាងខ្លាំង។

**តំបន់វាលទំនាប៖**
សីតុណ្ហភាព ២៣-៣៦°C ខ្យល់បក់ពីទិសឦសាន-បូព៌ល្បឿន ៣ម/វិ។ ខេត្តពោធិ៍សាត់ តាកែវ ព្រៃវែង កណ្តាល និងភ្នំពេញអាចមានភ្លៀងធ្លាក់ជាមួយខ្យល់កន្ត្រាក់ និងផ្គររន្ទះ។

**តំបន់ខ្ពង់រាប៖**
សីតុណ្ហភាព ២២-៣៥°C ខ្យល់បក់ពីទិសឧត្តរ-ឦសានល្បឿន ២ម/វិ។ ខេត្តកំពង់ស្ពឺ និងប៉ៃលិនអាចមានភ្លៀងធ្លាក់។

**តំបន់មាត់សមុទ្រ៖**
សីតុណ្ហភាព ២៣-៣៥°C ខ្យល់បក់ពីទិសនិរតី-អាគ្នេយ៍ល្បឿន ៣ម/វិ។ ខេត្តកោះកុង ព្រះសីហនុ កំពត កែប និងជួរភ្នំបូកគោអាចមានភ្លៀងធ្លាក់។ រលកសមុទ្រកម្ពស់ ០.៥០-១.០០ម៉ែត្រ។

ប្រជាពលរដ្ឋត្រូវប្រុងប្រយ័ត្ន និងតាមដានព័ត៌មានអាកាសធាតុពីក្រសួងធនធានទឹកជានិច្ច៕