By សៀមរាប៖ អគ្គិភ័យដ៏ធំមួយបានឆាបឆេះផ្ទះលក់ពូក និងលក់បាយមួយកន្លែងនៅក្រុងសៀមរាប ដោយសារទុស្សេខ្សែភ្លើងធ្លាក់មកលើពូក។
ហេតុការណ៍នេះកើតឡើងនៅព្រឹកថ្ងៃទី១៣ ខែមីនា ឆ្នាំ២០២៦ នៅភូមិខ្នារ សង្កាត់ជ្រាវ ក្រុងសៀមរាប។ ផ្ទះដែលរងគ្រោះមានទំហំទទឹង១៣ម៉ែត្រ បណ្ដោយ២៥ម៉ែត្រ ដំបូលប្រក់ស័ង្កសី។
ម្ចាស់ផ្ទះឈ្មោះ ឈិន ឈាង អាយុ៥៦ឆ្នាំ ដែលជាប៉ូលិសព្រំដែន បានជួលផ្ទះនេះទៅឲ្យអ្នកឈ្មោះ នាក់ គារ៉ា អាយុ៤០ឆ្នាំ ដើម្បីបើកកន្លែងលក់ពូក និងលក់បាយ។
សមត្ថកិច្ចបានរាយការណ៍ពីការខូចខាតដ៏ធ្ងន់ធ្ងរ៖ ម៉ូតូ១គ្រឿងម៉ាកឌ្រីមសង់ស៊េរី២០១៨ ពូក៩០០ពូក កម្រាលពូក៧០កម្រាល ម៉ាស៊ីនត្រជាក់២គ្រឿង ប្រាក់រៀល៥០លានរៀល ចង្ក្រានហ្កាស១០ឈុត អង្ក១០បេ និងសម្ភារៈប្រើប្រាស់ផ្សេងៗទៀត។
មូលហេតុចម្បងនៃអគ្គិភ័យនេះគឺទុស្សេខ្សែភ្លើងធ្លាក់មកលើពូក បណ្ដាលឲ្យឆាបឆេះយ៉ាងឆាប់រហ័ស។ សមត្ថកិច្ចកំពុងស៊ើបអង្កេតហេតុការណ៍នេះបន្ថែមទៀត។
អត្ថបទ៖ ជុន កុសល
