By ក្រុមបាល់ទាត់ស្រីជប៉ុនបានបង្ហាញសមត្ថភាពដ៏រឹងម៉ាំដោយយកឈ្នះលើហ្វីលីពីនដោយលទ្ធផល ៧-០ ក្នុងវគ្គទី ៨ ចុងក្រោយនៃ Women’s Asian Cup ២០២៦ នៅទីក្រុងស៊ីដនី ប្រទេសអូស្ត្រាលី។ ជ័យជម្នះនេះបណ្ដាលឱ្យជប៉ុនឡើងទៅដល់វគ្គពាក់កណ្ដាលផ្ដាច់ព្រ័ត្រ ដែលនឹងជួបកូរ៉េខាងត្បូងនៅថ្ងៃពុធខាងមុខ។
តារាកីឡាការិនី Toko Koga អាយុ ២០ ឆ្នាំ ដែលលេងឱ្យក្លឹប Tottenham បានស៊ុតបញ្ចូលទីបានពីរគ្រាប់ក្នុងការប្រកួតនេះ។ នាងបានស៊ុតបញ្ចូលទីគ្រាប់ដំបូងត្រឹមតង់ទីទី ១ ហើយបន្ថែមគ្រាប់ទីពីរនៅនាទីទី ៧៦។
ជប៉ុនបានបង្ហាញសមត្ថភាពវាយប្រហារដ៏រឹងម៉ាំ ដោយបានស៊ុតបញ្ចូលទីសរុប ២៤ គ្រាប់ក្នុងការប្រកួត Women’s Asian Cup ឆ្នាំ ២០២៦ នេះ ដោយមិនទាន់ចាញ់គ្រាប់ណាមួយឡើយ។
គ្រូបង្វឹកក្រុមជប៉ុន Nils Nielsen បានថ្លែងថា៖ “វាតែងតែល្អក្នុងការស៊ុតបញ្ចូលទីបានច្រើន ហើយសម្រាប់កីឡាការិនីដើម្បីបង្ហាញពីអ្វីដែលពួកគេអាចធ្វើបាន។ ប៉ុន្តែវានឹងមិនអាចជួយយើងទល់នឹងកូរ៉េបានទេ។ ពួកយើងនឹងត្រៀមប្រកួតជាមួយកូរ៉េខាងត្បូងដោយសេចក្ដីយកចិត្តទុកដាក់ខ្ពស់បំផុត។”
កាលពី ៤ ឆ្នាំមុន ជប៉ុនបានចាញ់ចិនក្នុងវគ្គពាក់កណ្ដាលផ្ដាច់ព្រ័ត្រ ដោយការស៊ុតបាល់ប៉េណាល់ទី ដែលបញ្ចប់ការការពារតំណែងជើងឯករបស់ពួកគេ។
ក្នុងវគ្គពាក់កណ្ដាលផ្ដាច់ព្រ័ត្រផ្សេងទៀត អូស្ត្រាលីនឹងជួបចិន។ ក្រុមទាំង ៤ ដែលចូលដល់វគ្គពាក់កណ្ដាលផ្ដាច់ព្រ័ត្រនឹងទទួលបានកៅអីសម្រាប់ការប្រកួតបាល់ទាត់ពិភពលោកនារីឆ្នាំ ២០២៧ ដោយស្វ័យប្រវត្ដិ។ ក្រុមដែលចាញ់នឹងមានឱកាសទៅលេងវគ្គ Playoff សម្រាប់កន្លែងធានាចំនួនពីរទៀតនៅប្រទេសប្រេស៊ីល។
