By ភាពតានតឹងនៅមជ្ឈិមបូព៌ាកំពុងកើនឡើងខ្លាំង ក្រោយអ៊ីរ៉ង់បិទច្រកសមុទ្រ Hormuz ដែលជាផ្លូវដឹកជញ្ជូនប្រេងដ៏សំខាន់រហូតដល់២០% នៃការផ្គត់ផ្គង់ប្រេងសកល។
លោកប្រធានាធិបតី ដូណាល់ ត្រាំ បានអំពាវនាវដល់សម្ព័ន្ធមិត្ត៧ប្រទេស រួមមានចិន បារាំង ជប៉ុន កូរ៉េខាងត្បូង និងអង់គ្លេស ដើម្បីជួយអន្តរាគមន៍ការពារសុវត្ថិភាពផ្លូវទឹកនេះ។
ទោះជាយ៉ាងណា ការឆ្លើយតបមកពីបណ្តាប្រទេសទាំងនោះមានភាពខុសគ្នាយ៉ាងច្បាស់។ ជប៉ុនបានបញ្ជាក់យ៉ាងច្បាស់ថា មិនទាន់មានផែនការបញ្ជូននាវាចម្បាំងទៅតំបន់នោះឡើយ។
អូស្ត្រាលីក៏បានបង្ហាញជំហរស្រដៀងគ្នា ដោយបញ្ជាក់ថានឹងមិនបញ្ជូននាវាទៅជួយបើកច្រកសមុទ្រនេះទេ ទោះបីជាទទួលស្គាល់ពីសារៈសំខាន់របស់វាក៏ដោយ។
កូរ៉េខាងត្បូងហាក់ប្រុងប្រយ័ត្នជាងគេ ដោយសន្យានឹងបន្តការទាក់ទងយ៉ាងជិតស្និទ្ធជាមួយសហរដ្ឋអាមេរិក មុនពេលធ្វើការសម្រេចចិត្តចុងក្រោយ។
ដោយឡែក អង់គ្លេសបង្ហាញភាពវិជ្ជមានខ្លះៗ ដោយនាយករដ្ឋមន្ត្រី Keir Starmer បានពិភាក្សាជាមួយលោកត្រាំអំពីភាពចាំបាច់ក្នុងការបើកច្រកសមុទ្រនេះឡើងវិញ ដើម្បីកុំឲ្យប៉ះពាល់ដល់ការដឹកជញ្ជូនទំនិញសកល។
ស្ថានការណ៍នេះកើតឡើងក្រោយពីអ៊ីរ៉ង់បានសម្រេចចិត្តបិទច្រកសមុទ្រ Hormuz ដែលជាផ្លូវដឹកជញ្ជូនប្រេងដ៏សំខាន់មួយ និងជាសរសៃឈាមសេដ្ឋកិច្ចសកល។
