ក្រិកចំណាយរាប់ប៊ីលានទិញប្រព័ន្ធការពារអាកាសពីអ៊ីស្រាអែល និងទំនើបកម្មកងទ័ពអាកាស

អាថ៌កំបាំង! គណៈកម្មាធិការសភាក្រិកបានអនុម័តគម្រោងទិញប្រព័ន្ធការពារដែនអាកាសច្រើនស្រទាប់ពីអ៊ីស្រាអែល ដោយមានតម្លៃជាង ៣ ប៊ីលានដុល្លារ។

គម្រោងដ៏ធំនេះរួមមានការទិញយន្តហោះចម្បាំង F-16 ចំនួន ៣៨ គ្រឿង ដោយតម្លៃសរុបប្រមាណជាង ៤.៦ ប៊ីលានដុល្លារ។ ការសម្រេចចិត្តនេះបានធ្វើឡើងកាលពីថ្ងៃចន្ទ ទី១៦ ខែមីនា ឆ្នាំ២០២៦ តាមរយៈកិច្ចប្រជុំសម្ងាត់បំផុត។

ក្រិកកំពុងចរចាជាមួយអ៊ីស្រាអែល ដើម្បីទទួលបានប្រព័ន្ធការពារអាកាស «Achilles Shield» ដែលមានតម្លៃប៉ាន់ស្មានជាង ៣ ប៊ីលានដុល្លារ។ ប្រព័ន្ធនេះនឹងជួយការពារប្រទេសក្រិកពីការគំរាមកំហែងតាមអាកាស។

ប្រភពព័ត៌មានជាន់ខ្ពស់មួយរូបបានបញ្ជាក់ថា៖ «គណៈកម្មាធិការសភាបានអនុម័តគម្រោងនេះ និងការធ្វើឱ្យយន្តហោះចម្បាំង F-16 កាន់តែមានភាពប្រសើរឡើង»។

ក្រិកមានគម្រោងទិញយន្តហោះចម្បាំង F-16 Block-50 ចំនួន ៣៨ គ្រឿងបន្ថែមទៀត ដែលមានអាយុកាលតាំងពីទសវត្សរ៍ឆ្នាំ១៩៩០ ទៅជាកំណែទម្រង់បែបទំនើប «Viper» ក្នុងតម្លៃជាងមួយប៊ីលានដុល្លារ។

យន្តហោះចម្បាំង F-16C Block 50 គឺជាយន្តហោះចម្បាំងពហុមុខងារកម្រិតខ្ពស់ ដែលមានសមត្ថភាពខ្ពស់ក្នុងការប្រយុទ្ធតាមអាកាស និងការវាយប្រហារលើដី។

បច្ចុប្បន្ន ប្រទេសក្រិកមានកងនាវាយន្តហោះ F-16 ជាង ១៥០ គ្រឿង និងបានធ្វើឱ្យមានភាពទំនើបជាង ៤០ គ្រឿងផងដែរ។

រដ្ឋាភិបាលក្រិកមានគម្រោងចំណាយសរុបប្រហែល ៣២ ប៊ីលានដុល្លារ នៅឆ្នាំ២០៣៦ ដើម្បីធ្វើទំនើបកម្មកងកម្លាំងប្រដាប់អាវុធរបស់ខ្លួន។ ការវិនិយោគនេះកើតឡើងនៅពេលដែលប្រទេសក្រិកកំពុងងើបចេញពីវិបត្តិបំណុលឆ្នាំ ២០០៩-២០១៨។

ការទិញថ្មីនេះក៏ត្រូវការការអនុម័តពីស្ថាប័នធ្វើការសម្រេចចិត្តកំពូល KYSEA ផងដែរ។ នៅថ្ងៃចន្ទ គណៈកម្មាធិការបានផ្តល់សញ្ញាភ្លើងខៀវសម្រាប់ការធ្វើទំនើបកម្មលើនាវាចម្បាំង MEKO-២០០ ចាស់ចំនួន ៤ គ្រឿង និងកិច្ចព្រមព្រៀងថែទាំសម្រាប់យន្តហោះដឹកជញ្ជូនយោធា C២៩J។