By រាជធានីភ្នំពេញ – ប្រជាពលរដ្ឋអាចរីករាយទៀតហើយ នៅពេលដែលតម្លៃប្រេងឥន្ធនៈនៅកម្ពុជាបន្តថយចុះ បន្ទាប់ពីក្រសួងពាណិជ្ជកម្មបានចេញសេចក្តីជូនដំណឹងថ្មី។
តាមសេចក្តីជូនដំណឹងចុះថ្ងៃទី១៦ មីនា ឆ្នាំ២០២៦ តម្លៃលក់រាយប្រេងឥន្ធនៈនៅតាមស្ថានីយទាំងអស់នៅទូទាំងប្រទេស នឹងអនុវត្តចាប់ពីថ្ងៃទី១៧ មីនា ឆ្នាំ២០២៦ ដោយមានការបញ្ចុះតម្លៃជាបន្តបន្ទាប់។
យោងតាមការកំណត់រូបមន្តថ្មី រាជរដ្ឋាភិបាលបានសម្រេចចិត្ត៖
១. បន្តបញ្ចុះតម្លៃលក់រាយប្រេងឥន្ធនៈចំនួន ៦,៥សេនដុល្លារ/លីត្រ ដើម្បីជួយសម្រួលដល់ជីវភាពប្រជាពលរដ្ឋ
២. បន្តបញ្ចុះ ១សេនដុល្លារ/លីត្របន្ថែមទៀត ដោយសារតម្លៃប្រេងសាំងអន្តរជាតិឡើងលើសពី ៩០ដុល្លារបារ៉ែល
៣. កាត់បន្ថយពន្ធអាករចំនួនប្រមាណ ៤,១លានដុល្លារក្នុងរយៈពេល ៣ថ្ងៃ
ជាលទ្ធផល តម្លៃលក់រាយប្រេងឥន្ធនៈថ្មីដែលត្រូវអនុវត្តចាប់ពីថ្ងៃទី១៧ មីនា ឆ្នាំ២០២៦ រហូតដល់ថ្ងៃជូនដំណឹងបន្ទាប់ គឺ៖
• ប្រេងសាំងធម្មតា (Gasoline 92): ៥,៥០០រៀល/លីត្រ
• ប្រេងម៉ាស៊ូត (Gasoil 10ppm): ៦,៥៥០រៀល/លីត្រ
ការបញ្ចុះតម្លៃនេះគឺជាផ្នែកមួយនៃយុទ្ធសាស្ត្ររបស់រាជរដ្ឋាភិបាលក្នុងការគ្រប់គ្រងតម្លៃប្រេងឥន្ធនៈ និងជួយសម្រួលដល់ការចំណាយរបស់ប្រជាពលរដ្ឋក្នុងបរិបទតម្លៃទំនិញកំពុងឡើង។
