By ភាពច្របូកច្របល់នយោបាយប៉េរូបន្តរីករាលដាល នៅថ្ងៃទី១៧មីនា នាយករដ្ឋមន្ត្រីលោកស្រី Denisse Miralles បានលាលែងពីតំណែងត្រឹមតែ២១ថ្ងៃប៉ុណ្ណោះបន្ទាប់ពីចូលកាន់តំណែង។
ការលាលែងនេះកើតឡើងតាមការស្នើសុំរបស់រដ្ឋាភិបាលដឹកនាំដោយប្រធានាធិបតី José María Balcázar នៅពេលមានការព្រួយបារម្ភក្នុងចំណោមគណបក្សជាច្រើននៅក្នុងសភាអំពីការមិនផ្តល់ការបោះឆ្នោតទុកចិត្តដល់គណៈរដ្ឋមន្ត្រី។
យោងតាម Reuters ការលាលែងពីតំណែងត្រូវបានធ្វើឡើងមួយថ្ងៃមុនពេលគណៈរដ្ឋមន្ត្រីត្រូវបានគ្រោងនឹងបង្ហាញខ្លួននៅសភាសម្រាប់ការបោះឆ្នោតទុកចិត្ត និងតិចជាងមួយខែមុនការបោះឆ្នោតទូទៅ។
ពីមុន នៅថ្ងៃទី២៤កុម្ភៈ ប្រធានាធិបតីបណ្តោះអាសន្នប៉េរូលោក Jose Maria Balcázar បានតែងតាំងអ្នកសេដ្ឋកិច្ច Denisse Miralles ឱ្យកាន់តំណែងជានាយករដ្ឋមន្ត្រី។
នៅក្នុងលិខិតមួយផ្ញើទៅកាន់លោកស្រី Miralles រដ្ឋាភិបាលបានទទួលស្គាល់ “ការចូលរួមចំណែកដ៏លេចធ្លោ” របស់គាត់ និងបានសម្តែងការដឹងគុណចំពោះភាពជាអ្នកដឹកនាំ និងការធ្វើគោលនយោបាយរបស់គាត់ក្នុងផលប្រយោជន៍ល្អបំផុតរបស់ប្រជាជនក្នុងអំឡុងពេលកាន់តំណែងខ្លីរបស់គាត់។
ការលាលែងរបស់លោកស្រី Miralles បង្ហាញពីភាពមិនស្ថិតស្ថេរនៃរដ្ឋាភិបាលប៉េរូ និងការលំបាកក្នុងការបង្រួបបង្រួមការគាំទ្រពីគណបក្សនយោបាយផ្សេងៗនៅក្នុងសភា។
