By ខេត្តកំពង់ស្ពឺ៖ កម្លាំងសមត្ថកិច្ចអធិការដ្ឋាននគរបាលស្រុកសាមគ្គីមុនីជ័យបានធ្វើប្រតិបត្តិការចាប់ខ្លួនអ្នកលេងល្បែងសុីសងខុសច្បាប់ចំនួន ៥នាក់ នៅថ្ងៃទី១៧ ខែមិនា ឆ្នាំ២០២៦ វេលាម៉ោង ១៦:៣០នាទី។
ប្រតិបត្តិការនេះបានធ្វើឡើងនៅភូមិទួលវិហារ ឃុំចាន់សែន ស្រុកសាមគ្គីមុនីជ័យ ដោយឃាត់ខ្លួនជនសង្ស័យទាំង ៥នាក់ដែលកំពុងលេងល្បែងអាប៉ោងខុសច្បាប់។
ជនសង្ស័យទាំង ៥នាក់មាន៖
- ភូ ថន អាយុ៦០ឆ្នាំ រស់នៅភូមិព្រៃទាន ឃុំយុទ្ធសាមគ្គី
- ច្រេ សារ៉ូន អាយុ៥៥ឆ្នាំ រស់នៅភូមិត្រពាំងចំបក់ ឃុំមានជ័យ
- សេង សឿន អាយុ៦៩ឆ្នាំ
- ជួរ វណ្ណី អាយុ៥៨ឆ្នាំ
- ភឿន រុន អាយុ៥៦ឆ្នាំ រស់នៅភូមិទឹកឬស្សី ឃុំមានជ័យ
សមត្ថកិច្ចបានដកហូតវត្ថុតាងជាច្រើនរួមមាន៖ មេអាប៉ោង ៥គ្រាប់, មេដែកឆក់ ១, ចាន ១, គម្រប ១, ទូរស័ព្ទ ៣គ្រឿង, លុយ ២៩,០០០រៀល, កាបូប ២, សៀវភៅកត់កន្ទុយលេខ ១ក្បាល, ប៉ាយលេខ ១ និងម៉ូតូ ៣គ្រឿង។
បច្ចុប្បន្ន ជនសង្ស័យទាំងអស់ត្រូវបានឃាត់ខ្លួននៅអធិការដ្ឋាននគរបាលស្រុកសាមគ្គីមុនីជ័យ ដើម្បីកសាងសាណុំរឿង និងចាត់ការតាមនីតិវិធីច្បាប់។
ដោយ៖ សូរិយា
