ជប៉ុនផ្តល់ជំនួយបន្ថែម ២៣លានដុល្លារ ដើម្បីពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ

ភ្នំពេញ៖ នៅថ្ងៃទី១៩ ខែមីនា ឆ្នាំ២០២៦ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោក UENO Atsushi ឯកអគ្គរាជទូតជប៉ុនប្រចាំកម្ពុជា បានចុះហត្ថលេខាលើលិខិតប្តូរសារស្តីពីការកែសម្រួលហិរញ្ញប្បទានឥតសំណងសម្រាប់គម្រោងពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ។

តាមលិខិតប្តូរសារថ្មីនេះ ទឹកប្រាក់ជំនួយសម្រាប់គម្រោងនេះ ដែលដំបូងចុះហត្ថលេខាកាលពីថ្ងៃទី២៤ ខែមីនា ឆ្នាំ២០២០ នឹងកើនឡើងពី ៣.៤២១ លានយ៉េន (ប្រមាណ ២២លានដុល្លារ) ទៅ ៣.៥៦៨ លានយ៉េន (ប្រមាណ ២៣លានដុល្លារ)។ នេះជាការកើនឡើងប្រមាណ ១លានដុល្លារអាម៉េរិក។

ហិរញ្ញប្បទានឥតសំណងបន្ថែមនេះ ឆ្លុះបញ្ចាំងពីការប្តេជ្ញាចិត្តរឹងមាំរបស់ជប៉ុនក្នុងការជំរុញការអភិវឌ្ឍសង្គម-សេដ្ឋកិច្ចកម្ពុជា និងពង្រឹងកិច្ចសហប្រតិបត្តិការទ្វេភាគីក្រោមភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន។

គម្រោងពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ នឹងជួយដល់ប្រជាពលរដ្ឋរាប់ពាន់នាក់ក្នុងក្រុងតាខ្មៅ ដោយធានាបាននូវទឹកស្អាតគ្រប់គ្រាន់សម្រាប់ការប្រើប្រាស់ប្រចាំថ្ងៃ។