By រុស្ស៊ីបានបញ្ជូនយន្តហោះចម្បាំង MiG-31 បំពាក់ដោយមីស៊ីល Kinzhal ល្បឿនលឿនជាងសំឡេង ធ្វើការហោះល្បាតលើដែនសមុទ្រជប៉ុន ក្នុងសកម្មភាពយោធាដែលធ្វើឱ្យភាគីជប៉ុនមានការព្រួយបារម្ភ។
យោងតាមក្រសួងការពារជាតិរុស្ស៊ី យន្តហោះ MiG-31I ចំនួនពីរគ្រឿងបានធ្វើការហោះហើរតាមកាលវិភាគនៅក្នុងដែនអាកាសលើដែនទឹកអព្យាក្រឹតនៃសមុទ្រជប៉ុន។ អំឡុងពេលហោះហើរ ក្រុមនាវិក MiG-31 បានអនុវត្តការចាក់ប្រេងតាមអាកាស ដែលជាផ្នែកនៃការហ្វឹកហាត់យោធា។
ការហោះហើរនេះធ្វើឡើងក្នុងអំឡុងពេលដែលកងកម្លាំងប្រដាប់អាវុធរុស្ស៊ីបានបន្តពង្រឹងសកម្មភាពរបស់ខ្លួននៅតំបន់អាស៊ីប៉ាស៊ីហ្វិក ដែលជាកត្តាបង្កើនភាពតានតឹងយោធាក្នុងតំបន់។
ទោះបីជាការហោះហើរនេះកើតឡើងនៅក្បែរប្រជុំកោះជប៉ុនក្តី ក៏ភាគីក្រុងតូក្យូមិនទាន់ចេញប្រតិកម្មណាមួយឡើយ។ ទោះយ៉ាងណា សកម្មភាពនេះត្រូវបានចាត់ទុកថាមានលក្ខណៈគំរាមកំហែង ដោយសារតែយន្តហោះ MiG-31 អាចដាក់មីស៊ីល Kinzhal ដែលមានល្បឿនលឿនជាងសំឡេង។
ជប៉ុនក៏បានបង្ហាញពីការតាមដានសកម្មភាពយោធារបស់រុស្ស៊ីដែរ ដោយបានបញ្ជូនយន្តហោះ P-3C Orion របស់កងកម្លាំងការពារដែនសមុទ្រ ដើម្បីតាមដានសកម្មភាពនាវាមុជទឹកម៉ាក Kilo II នៅភាគនិរតីនៃប្រជុំកោះជប៉ុន។
ការបង្កើនសកម្មភាពយោធានៅតំបន់សមុទ្រជប៉ុននេះ កំពុងបង្កើនភាពតានតឹងយោធាក្នុងតំបន់អាស៊ីប៉ាស៊ីហ្វិក និងបង្កគ្រោះថ្នាក់ដល់សន្តិសុខក្នុងតំបន់។
