By ភ្នំពេញ៖ ក្រោមការអនុញ្ញាតពីសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក្រុមគ្រូពេទ្យស្ម័គ្រចិត្តយុវជនសម្តេចតេជោ (TYDA) បាននាំលោកយាយ និងលោកអ៊ំ ដែលមានបញ្ហាភ្នែកមើលមិនច្បាស់ពីស្រុកឳរ៉ាល់ ខេត្តកំពង់ស្ពឺ មកទទួលការពិនិត្យ វះកាត់ និងព្យាបាលនៅមន្ទីរពេទ្យព្រះអង្គឌួង។
សម្តេចធិបតី និងលោកជំទាវបណ្ឌិត បានឧបត្ថម្ភរាល់ការចំណាយក្នុងការពិនិត្យ និងព្យាបាលវះកាត់ជូនដល់លោកយាយ និងលោកអ៊ំទាំងអស់។ ទឹកចិត្តមហាសប្បុរសនេះ ធ្វើឱ្យអ្នកជំងឺ និងក្រុមគ្រួសាររីករាយជាពន់ពេក និងថ្លែងអំណរគុណដល់សម្តេចធិបតី និងលោកជំទាវបណ្ឌិត។
ក្រុមគ្រូពេទ្យឯកទេសរបស់សម្តេចធិបតី និងលោកជំទាវបណ្ឌិត បានធ្វើការពិនិត្យយ៉ាងហ្មត់ចត់ និងអនុវត្តការវះកាត់ដោយជោគជ័យ។ កម្លាំងស្ម័គ្រចិត្តដើម្បីមនុស្សធម៌នេះ បង្ហាញពីការយកចិត្តទុកដាក់ចំពោះសុខភាពប្រជាពលរដ្ឋ។
ការងារសប្បុរសធម៌នេះ បង្ហាញពីទឹកចិត្តជួយគ្នាទៅវិញទៅមកក្នុងសង្គម និងការយកចិត្តទុកដាក់ពីអ្នកដឹកនាំចំពោះការរស់នៅរបស់ប្រជាពលរដ្ឋ។
ដោយ៖ សិលា
