By ភ្នំពេញ៖ ស្ថានភាពគ្រោះថ្នាក់ចរាចរណ៍ដ៏សែនឈឺចាប់បានកើតឡើងនៅលើផ្លូវភ្នំពេញ-ហាណូយ នៅពេលយប់ថ្ងៃទី១៩ ខែមីនា ឆ្នាំ២០២៦ ដោយមានយុវជនពីរនាក់ជិះម៉ូតូឌុបគ្នាបុកពីក្រោយរថយន្តមិនស្គាល់ម៉ាក បណ្ដាលឲ្យស្លាប់ម្នាក់និងរបួសធ្ងន់ម្នាក់។
តាមពត៌មានពីកន្លែងកើតហេតុ យុវជនទាំងពីរបានជិះម៉ូតូម៉ាកហុងដាឌ្រីមសង់ពណ៌ខ្មៅ ផ្លាកលេខ កំពង់ចាម 1AG-1025 ជិះឌុបគ្នាតាមបណ្ដោយផ្លូវភ្នំពេញ-ហាណូយទិសដៅពីត្បូងទៅជើងក្នុងល្បឿនលឿនជ្រុល។ នៅម៉ោង៩:២០នាទីយប់ ពួកគេបានបុកពីក្រោយរថយន្តមួយគ្រឿងដែលមិនស្គាល់ម៉ាក បណ្ដាលឲ្យដួលបោកក្បាលស្លាប់នៅកន្លែងកើតហេតុ។
យុវជនម្នាក់ទៀតដែលរងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យរដ្ឋ ចំណែកឯរថយន្តដែលជាប់ពាក់ព័ន្ធបានបន្តបើកគេចខ្លួនពីកន្លែងកើតហេតុបាត់ស្រមោល។
បន្ទាប់ពីកើតហេតុ សមត្ថកិច្ចមូលដ្ឋានបានសហការជាមួយមន្ត្រីជំនាញចរាចរណ៍ចុះមកធ្វើការវាស់វែង និងយកម៉ូតូរងគ្រោះទៅរក្សាទុកនៅអធិការដ្ឋាននគរបាលខណ្ឌសែនសុខ។ សពត្រូវបានប្រគល់ឲ្យក្រុមគ្រួសារយកទៅធ្វើបុណ្យនៅស្រុកកំណើត។
ហេតុការណ៍នេះបានកើតឡើងនៅក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ដែលជាកន្លែងដែលចរាចរណ៍ធ្លាប់មានគ្រោះថ្នាក់ញឹកញាប់។
ដោយ ៖ ភារ៉ា ដង្កោ
