By ខេត្តស្វាយរៀង៖ ការបើកបរមិនប្រកាន់ស្ដាំបានបណ្ដាលឱ្យកម្មការិនីរោងចក្រីរី២នាក់រងរបួសធ្ងន់ នៅពេលម៉ូតូរបស់ពួកគេបុកចូលរថយន្តយ៉ាងខ្លាំង ហើយអ្នកបើករថយន្តបានរត់គេចខ្លួនបាត់ភ្លាមៗ។
ហេតុការណ៍ដ៏គួរឱ្យភ្ញាក់ផ្អើលនេះបានកើតឡើងនៅថ្ងៃទី១៩ ខែមីនា ឆ្នាំ២០២៦ វេលាម៉ោង ៥ល្ងាច នៅលើផ្លូវជាតិលេខ១ ក្នុងភូមិបាក់រនាស់ សង្កាត់សង្ឃ័រ ក្រុងស្វាយរៀង។ នារីទាំងពីរគឺ ផាត ស្រីឃីម (អាយុ១៦ឆ្នាំ) និង ផាត សុភត្រា (អាយុ២០ឆ្នាំ) ដែលទាំងពីរជាកម្មការិនីរោងចក្រ។
បើតាមការបញ្ជាក់ពីសមត្ថកិច្ចនគរបាលក្រុងស្វាយរៀង ម៉ូតូម៉ាកស្គូពី ពណ៌ស លេខស្លាក ស្វាយរៀង 1W-5335 បានបើកបរពីទិសខាងកើតទៅលិចដោយមិនប្រកាន់ស្ដាំ ហើយបានបុកចូលរថយន្តម៉ាកហ៊ីយ៉ាន់ដាយ ពណ៌ស លេខស្លាក ស្វាយរៀង 4A-6901 ដែលកំពុងធ្វើដំណើរពីលិចទៅកើត។
ក្រោយពីកើតហេតុ អ្នកបើករថយន្តដែលមិនស្គាល់អត្តសញ្ញាណបានរត់គេចខ្លួនបាត់ភ្លាមៗ ដោយបន្សល់ទុករថយន្តនៅកន្លែងកើតហេតុ។ សមត្ថកិច្ចជំនាញបានមកដល់កន្លែងកើតហេតុ ធ្វើការវាស់វែង និងអូសយកមធ្យោបាយទៅរក្សាទុកនៅអធិការដ្ឋាននគរបាលក្រុងស្វាយរៀង។
អ្នករងគ្រោះទាំងពីរត្រូវបាននាំទៅសម្រាកព្យាបាលនៅមន្ទីរពេទ្យខេត្តស្វាយរៀង ដោយមានរបួសធ្ងន់ ចំណែកម៉ូតូខូចខាតស្រាល។ សមត្ថកិច្ចកំពុងតាមដានស្វែងរកអ្នកបើករថយន្តដែលរត់គេចខ្លួន ដើម្បីធ្វើការដោះស្រាយតាមផ្លូវច្បាប់។
ហេតុការណ៍នេះបានបង្កការភ្ញាក់ផ្អើលដល់អ្នកធ្វើដំណើរ និងអ្នកភូមិជិតខាង ដែលបានរាយការណ៍ទៅសមត្ថកិច្ចឱ្យចុះមកអន្តរាគមន៍ជួយសង្គ្រោះ។ ការបើកបរមិនប្រកាន់ស្ដាំនៅតែជាបញ្ហាប្រឈមធំនៅតាមផ្លូវថ្នល់នានានៅកម្ពុជា។
ដោយ៖ សុថាន
