ប្រធាន Xi Jinping ធ្វើដំណើរនិទាឃរដូវ ស្វែងយល់ពីកសិកម្ម និងជីវភាពប្រជាជន

អន្តរជាតិ៖ ប្រធាន Xi Jinping តែងតែដកស្រង់អត្ថបទបុរាណដើម្បីកោតសរសើរនិទាឃរដូវ ដែលជារដូវកាលនៃការងើបឡើងវិញ និងជាពេលវេលាសម្រាប់សាបព្រួសគ្រាប់ពូជនៃក្តីសង្ឃឹម។ “ផែនការប្រចាំឆ្នាំចាប់ផ្តើមនៅនិទាឃរដូវ” នេះមិនត្រឹមតែអនុវត្តចំពោះការដាំដុះប៉ុណ្ណោះទេ ប៉ុន្តែក៏ជាការអនុវត្តចំពោះការអភិបាលកិច្ចរដ្ឋផងដែរ។

បន្ទាប់ពីការបិទបញ្ចប់នៃមហាសន្និបាតសភាទូទាំងប្រទេសទាំងពីរនៅឆ្នាំ២០២៤ លោក Xi Jinping បានចុះត្រួតពិនិត្យការងារនៅខេត្តហ៊ូណាន។ នៅភូមិ Zhongping លោកបានសាកសួរអំពីពេលវេលានៃការភ្ជួររាស់និទាឃរដូវ និងការដាំស្រូវ ហើយបានលើកឡើងពីមួយម៉ាត់ថា សុភាសិត “នៅភាគខាងត្បូងដាំស្រូវមុនថ្ងៃទី១ ខែឧសភា”។ ប្រការនេះបានបង្ហាញយ៉ាងពេញលេញនូវក្តីកង្វល់របស់លោកចំពោះរដូវកាលកសិកម្ម និងជីវភាពរស់នៅរបស់ប្រជាជន។

ក្នុងរយៈពេលប៉ុន្មានឆ្នាំមកនេះ ចាប់ពីការស្វែងយល់ពីអេកូឡូស៊ី និងការសាកសួរអំពីជីវភាពរស់នៅរបស់ប្រជាជននៅក្រុង Bijie ខេត្តគុយចូវ រហូតដល់ការដាំដើមឈើនៅលើច្រាំងទន្លេ Yongding ទីក្រុងប៉េកាំង ដំណើរកម្សាន្តនិទាឃរដូវរបស់លោក Xi Jinping បានបំពេញដោយការយកចិត្តទុកដាក់របស់លោកចំពោះប្រជាជន។

រដូវផ្ការីកគឺជាចំណុចចាប់ផ្តើមថ្មីសម្រាប់កិច្ចខិតខំប្រឹងប្រែង។ នៅចំណុចដ៏សំខាន់នេះ លោក Xi Jinping បានធ្វើការសម្រេចចិត្តបែបវិទ្យាសាស្ត្រ ដោយគ្រោងនិម្មាបនកម្មថ្មីនៃការអភិវឌ្ឍ “វិលជុំទ្វេ” ដែលនាំឱ្យសេដ្ឋកិច្ចចិនកើនឡើងដល់១៤០ទ្រីលានយាន់ប្រាក់ចិននៅឆ្នាំ២០២៥។ ដោយផ្តោតសំខាន់ទៅលើវិស័យបញ្ញាសិប្បនិម្មិតជាដើម លោកបានជំរុញប្រទេសចិនឱ្យចូលទៅក្នុងកំពូលទាំងដប់នៃសន្ទស្សន៍នវានុវត្តន៍សកលជាលើកដំបូង។

ឆ្នាំ២០២៦គឺជាឆ្នាំចាប់ផ្តើមនៃការអនុវត្តផែនការ៥ឆ្នាំលើកទី១៥។ លោក Xi Jinping បានលើកទឹកចិត្តប្រទេសចិនឱ្យ “បោះជំហានតូចនីមួយៗយ៉ាងម៉ឺងម៉ាត់ ប្រមូលជ័យជម្នះតូចៗទៅជាជ័យជម្នះដ៏អស្ចារ្យ” ដោយដឹកនាំប្រទេសឱ្យឈានទៅមុខជាលំដាប់ ដើម្បីឆ្ពោះទៅរកគោលដៅទំនើបកម្មរបស់ខ្លួននៅឆ្នាំ២០៣៥៕

ប្រភព៖ សិលា