By 
ភ្នំពេញ – ច្រកសមុទ្រ Hormuz ដែលជាផ្លូវសំខាន់បំផុតសម្រាប់ការដឹកជញ្ជូនប្រេងឆៅ និងឧស្ម័នធម្មជាតិរាវ (LNG) កំពុងជួបបញ្ហាគាំងធ្ងន់ធ្ងរ បណ្តាលឱ្យទ្វីបអឺរ៉ុប និងអាស៊ីរងផលប៉ះពាល់ខ្លាំងក្លា។
យោងតាមរបាយការណ៍ពី Yahoo ច្រកសមុទ្រយុទ្ធសាស្ត្រនេះជាច្រកដឹកជញ្ជូនប្រេងឆៅប្រហែល ២០% និង LNG ប្រហែល ២៥% នៃតម្រូវការទូទាំងពិភពលោក។ ការរំខាននៅក្នុងច្រកសមុទ្រនេះកំពុងបង្កឱ្យតម្លៃប្រេងឡើងថ្លៃ និងអតិផរណាយ៉ាងធ្ងន់ធ្ងរនៅគ្រប់តំបន់។
ក្នុងជម្លោះនៅអ៊ីរ៉ង់ អឺរ៉ុបបានប្រឹងជម្នះខ្លាំងណាស់ដើម្បីធានាការផ្គត់ផ្គង់ថាមពលដែលមានស្ថិរភាព ចាប់តាំងពីកាត់ផ្តាច់ទំនាក់ទំនងជាមួយរុស្ស៊ី។ ចំណែកនៅតំបន់អាស៊ី ប្រទេសជប៉ុន កូរ៉េខាងត្បូង និងប្រទេសនានាក្នុងតំបន់អាស៊ាន សុទ្ធតែមានក្តីបារម្ភខ្លាំងចំពោះវិបត្តិថាមពល។
ការរំខាននៅក្នុងច្រកសមុទ្រ Hormuz នឹងជំរុញឱ្យតម្លៃឡើងថ្លៃគ្រប់ទីកន្លែង ដែលប៉ះពាល់ដល់ថ្លៃប្រេងឥន្ធនៈ ថ្លៃអគ្គិសនី និងអតិផរណានៅទូទាំងសេដ្ឋកិច្ចអឺរ៉ុប។
លោកត្រាំ បានអំពាវនាវឱ្យសម្ព័ន្ធមិត្តរួមទាំងចិនផង ជួយការពារច្រកនេះដើម្បីធានាសុវត្ថិភាពនាំចេញប្រេង។ ច្រកសមុទ្រមួយនេះក៏ជាផ្លូវសំខាន់សម្រាប់ការនាំចូលជីទៅក្នុងទឹកដីអឺរ៉ុបផងដែរ។
អ្នកការទូតកំពូលរបស់សហភាពអឺរ៉ុប លោកស្រី Kaja Kallas បានព្រមានថា៖ «ប្រសិនបើមានការខ្វះខាតជីនៅឆ្នាំនេះ វានឹងមានការខ្វះខាតស្បៀងអាហារនៅឆ្នាំក្រោយដូចគ្នា»៕
