អាជ្ញាធរស្រុកស្អាងចាប់ខ្លួនក្រុមកាប់ប្លន់៤នាក់ បន្ទាប់ពីព្យាយាមលួចម៉ូតូយុវជន៣នាក់

ខេត្តកណ្តាល៖ អាជ្ញាធរស្រុកស្អាងបានចាប់ខ្លួនជនសង្ស័យចំនួន៤នាក់ក្នុងករណីកាប់ប្លន់យកម៉ូតូពីយុវជន៣នាក់ ដោយមានការធ្វើឱ្យខូចខាតដោយចេតនា និងប្រើប្រាស់ខុសច្បាប់នូវសារធាតុញៀន។

លោកវរសេនីយ៍ឯក រស់ ចន្ថា អធិការនគរបាលស្រុកស្អាងបានបញ្ជាក់ថា ហេតុការណ៍នេះបានកើតឡើងនៅថ្ងៃទី០៦ ខែមករា ឆ្នាំ២០២៦ នៅលើផ្លូវជាតិលេខ២១ ក្នុងភូមិត្រពាំងឈូក ឃុំព្រែកគយ ស្រុកស្អាង។

ជនរងគ្រោះទាំង៣នាក់មាន៖
១. ឡេង សេងហ៊ាង (១៧ឆ្នាំ) – មានស្នាមរបួសក្បាលដេរចំនួន០៥ថ្នេរ
២. រដ្ឋា សុផាត (១៧ឆ្នាំ)
៣. អ៊ែល សៀងហុី (១៨ឆ្នាំ)

ជនសង្ស័យទាំង៤នាក់ដែលត្រូវបានចាប់ខ្លួនមាន៖
១. ឡុង ប៉េងឡេង (២០ឆ្នាំ) – ត្រូវបានចាប់ខ្លួននៅថ្ងៃទី១៧ កុម្ភៈ និងបញ្ជូនទៅតុលាការ
២. ប៊ុន ថារិទ្ធីស័ក
៣. យឿន សុងួន (១៥ឆ្នាំ)
៤. ភ័ន្ត ណាវុធ (១៧ឆ្នាំ)

យោងតាមការបញ្ជាក់ពីអាជ្ញាធរ នៅវេលាម៉ោង០១:៣០នាទីថ្ងៃទី០៦ ខែមករា ជនរងគ្រោះទាំងបីនាក់កំពុងជិះម៉ូតូទៅដេកនៅផ្ទះពូនៅឃុំស្អាងភ្នំ។ នៅពេលមកដល់ចំណុចកើតហេតុ ជនសង្ស័យទាំងបួននាក់បានជិះម៉ូតូចំនួន២គ្រឿងមកហើយធ្វើសកម្មភាពកាប់ទៅលើជនរងគ្រោះ។

ជនរងគ្រោះឈ្មោះ ឡេង សេងហ៊ាង ត្រូវរបួសចំក្បាល ខណៈជនរងគ្រោះ២នាក់ទៀតបានដកកូនសោរចេញពីម៉ូតូរួចស្រែកឲ្យគេជួយ។ ជនសង្ស័យបានកាប់ម៉ូតូរបស់ជនរងគ្រោះបណ្តាលឱ្យខូចខាត បន្ទាប់មកគេចខ្លួនបាត់។

នៅថ្ងៃទី១៧ ខែកុម្ភៈ អាជ្ញាធរបានចាប់ខ្លួនជនសង្ស័យម្នាក់ឈ្មោះ ឡុង ប៉េងឡេង ហើយបញ្ជូនទៅតុលាការ។ រហូតដល់ថ្ងៃទី១៨ ខែមីនា អាជ្ញាធរបានចាប់ខ្លួនជនសង្ស័យពីរនាក់បន្ថែមទៀត។

នៅចំពោះមុខអាជ្ញាធរ ជនសង្ស័យបានទទួលសារភាពថា ពួកគេពិតជាបានព្យាយាមលួចម៉ូតូពីជនរងគ្រោះ ប៉ុន្តែមិនបានសម្រេចដោយសារជនរងគ្រោះបានដកសោរនិងស្រែកឱ្យគេជួយ។

បច្ចុប្បន្ន ជនសង្ស័យត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនិតិវិធី។

វត្ថុតាងដែលត្រូវបានចាប់យកមាន៖ កណ្តៀវខ្វាងចំនួន០១ដើមធ្វើពីឬស្សី និងស្លាកលេខម៉ូតូចំនួន០១ភ្នំពេញ1MC.4075។