ព្រមានអាកាសធាតុ៖ ភ្លៀងធ្លាក់ខ្លាំងជាមួយផ្គររន្ទះ និងខ្យល់កន្ត្រាក់ គ្របដណ្តប់ខេត្តជាច្រើន ចាប់ពីថ្ងៃទី២២-២៤ មីនា

ភ្នំពេញ៖ ក្រសួងធនធានទឹក និងឧតុនិយម បានចេញសេចក្ដីជូនដំណឹងព្រមានពីស្ថានភាពអាកាសធាតុដែលនឹងប៉ះពាល់ដល់ប្រជាពលរដ្ឋកម្ពុជា ចាប់ពីថ្ងៃទី២២ ដល់ទី២៤ ខែមីនា ឆ្នាំ២០២៦។

របបខ្យល់មូសុងឦសាន ដែលកំពុងបក់លើសមុទ្រចិនខាងត្បូង អាងទន្លេមេគង្គ និងសមុទ្រកម្ពុជា នឹងបង្កឱ្យមានភ្លៀងធ្លាក់ខ្លាំង ជាមួយផ្គររន្ទះ និងខ្យល់កន្ត្រាក់។

តំបន់វាលទំនាប៖
សីតុណ្ហភាពពី ២៣°C ដល់ ៣៦°C។ ខេត្តបន្ទាយមានជ័យ បាត់ដំបង ពោធិ៍សាត់ កំពង់ធំ កំពង់ឆ្នាំង សៀមរាប និងកំពង់ចាម អាចមានភ្លៀងធ្លាក់គ្របដណ្តប់លើផ្ទៃដី ១០%។ ខេត្តតាកែវ ត្បូងឃ្មុំ ស្វាយរៀង ព្រៃវែង កណ្តាល និងភ្នំពេញ ពុំមានភ្លៀងធ្លាក់ទេ។

តំបន់ខ្ពង់រាប៖
សីតុណ្ហភាពពី ២៣°C ដល់ ៣៥°C។ ខេត្តកំពង់ស្ពឺ ឧត្តរមានជ័យ ប៉ៃលិន ជួរភ្នំដងរែក និងតំបន់ជួរភ្នំក្រវាញ អាចមានភ្លៀងធ្លាក់គ្របដណ្តប់លើផ្ទៃដី ១០%។

តំបន់មាត់សមុទ្រ៖
សីតុណ្ហភាពពី ២៤°C ដល់ ៣៥°C។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់គ្របដណ្តប់លើផ្ទៃដី ១៥%។ រលកសមុទ្រមានកម្ពស់ពី ០.៥០ម៉ែត្រ ដល់ ១.០០ម៉ែត្រ។

ប្រជាពលរដ្ឋត្រូវប្រុងប្រយ័ត្ន និងជៀសវាងការធ្វើដំណើរនៅតំបន់ដែលមានភ្លៀងធ្លាក់ខ្លាំង។