អភិបាលរងខេត្តស្ទឹងត្រែងបើកវគ្គបណ្តុះបណ្តាលសមត្ថភាពការគ្រប់គ្រងទឹក

ខេត្តស្ទឹងត្រែង៖ លោក ទូច គង្គា អភិបាលរងខេត្តស្ទឹងត្រែង បានអញ្ជើញធ្វើជាអធិបតីក្នុងពិធីបើកវគ្គបណ្តុះបណ្តាលសមត្ថភាពដល់មន្ត្រីធនធានទឹក ឧតុនិយម និងសហគមន៍កសិករប្រើប្រាស់ទឹក នៅថ្ងៃទី២៤ ខែមីនា ឆ្នាំ២០២៦។

វគ្គបណ្តុះបណ្តាលនេះមានគោលបំណងពង្រឹកសមត្ថភាព និងឲ្យយល់ដឹងពីលិខិតបទដ្ឋានគតិយុត្ត រួមមានច្បាប់ អនុក្រឹត្យ ប្រកាស សារាចរណែនាំ និងគោលនយោបាយពាក់ព័ន្ធនឹងការប្រើប្រាស់ទឹក។

កម្មវិធីនេះរៀបចំឡើងដោយនាយកដ្ឋានធារាសាស្រ្តកសិកម្ម ក្រសួងធនធានទឹក និងឧតុនិយម សហការជាមួយមន្ទីរធនធានទឹក និងឧតុនិយមខេត្តស្ទឹងត្រែង នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្ត។

លោក ទូច គង្គា បានអំពាវនាវឲ្យអ្នកចូលរួមទាំងអស់យកចិត្តទុកដាក់រៀនសូត្រដើម្បីយកចំណេះដឹងទៅអនុវត្តនៅក្នុងសហគមន៍ និងជួយគាំទ្រការអភិវឌ្ឍន៍វិស័យទឹកស្អាតសម្រាប់ការប្រើប្រាស់កសិកម្ម។

ស្ទឹងត្រែងបេះដូងខ្ញុំ❤️❤️❤️💐💐💐 នាំគ្នាចូលរួមគាំទ្រចំពោះការអភិវឌ្ឍន៍ខេត្តស្ទឹងត្រែង🤝🫶👏❤️❤️❤️💐💐💐