By ភ្នំពេញ៖ កម្លាំងសមត្ថកិច្ចបានចុះបង្ក្រាបករណីឆបោកតាមអនឡាញ (Scam Online) មួយកន្លែងនៅវីឡាភូមិគ្រឹះស្ថិតនៅភូមិ៥ សង្កាត់លេខ៤ ក្រុងព្រះសីហនុ កាលពីល្ងាចថ្ងៃទី២៣ ខែមីនា ឆ្នាំ២០២៦។
ប្រតិបត្តិការនេះអនុវត្តតាមបទបញ្ជារបស់លោក ម៉ាងស៊ីណេត អភិបាលគណៈអភិបាលខេត្តព្រះសីហនុ ដោយមានការសម្របសម្រួលពីលោក ឆាយ សុត្រា ព្រះរាជអាជ្ញារងនៃអយ្យការអមសាលាដំបូងខេត្តព្រះសីហនុ។
លទ្ធផលប្រតិបត្តិការគឺ៖
• ឃាត់ខ្លួនជនបរទេស ២០ នាក់ (ក្នុងនោះមានខ្មែរ ៣ នាក់)
• រកឃើញកុំព្យូទ័រ ២៤ គ្រឿង
• ទូរស័ព្ទ ៣៨៩ គ្រឿង
បច្ចុប្បន្ន ជនបរទេស និងវត្ថុតាងទាំងអស់ត្រូវបានបញ្ជូនទៅស្នងការដ្ឋានដើម្បីបន្តនីតិវិធីតាមច្បាប់។
ការចុះប្រតិបត្តិការនេះបង្ហាញពីការតឹងរ៉ឹងរបស់សមត្ថកិច្ចកម្ពុជាក្នុងការបង្ក្រាបបទល្មើសឆបោកតាមអនឡាញ និងការគ្រប់គ្រងជនបរទេសដែលស្នាក់នៅខុសច្បាប់ ស្របតាមអនុក្រឹត្យលេខ០៣របស់រាជរដ្ឋាភិបាល។
ដោយ៖ សិលា
