By 
ខេត្តសៀមរាប៖ ករណីចាប់មេល្បែងស៊ីសង (អាប៉ោង) និងការដោះលែងដ៏ចម្លែក បានកើតឡើងនៅស្រុកពួក ខេត្តសៀមរាប នៅថ្ងៃទី២៣ ខែមីនា ឆ្នាំ២០២៦។
យោងតាមប្រភពពីប្រជាពលរដ្ឋ អភិបាលរងស្រុកពួកបានដឹកនាំកម្លាំងសមត្ថកិច្ចចុះប្រតិបត្តិការបង្ក្រាបល្បែងស៊ីសងខុសច្បាប់ និងចាប់បានអ្នកលេងសរុប៧នាក់ រួមទាំងមេខ្លោងឈ្មោះ សៀង។ ក្រុមចាប់បានប្រគល់ទៅឱ្យប៉ុស្តិ៍នគរបាលឃុំព្រៃជ្រូក ដើម្បីសួរនាំ តែពេលមកដល់ប៉ុស្តិ៍ មេខ្លោងបាត់ខ្លួន។
លោក ស៊ិន ចាន់ថុល អភិបាលស្រុកពួក បានបញ្ជាក់ថា៖ “ខ្ញុំស្អប់ណាស់ដែលមានល្បែងស៊ីសងខុសច្បាប់នៅក្នុងភូមិសាស្ត្ររបស់ខ្ញុំ។ ត្រូវបង្ក្រាបឱ្យអស់!”
លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានបញ្ជាក់ថា លោកទទួលបានព័ត៌មានហើយ ហើយកំពុងឱ្យស្រាវជ្រាវពីករណីនេះ។ “បើរកឃើញកំហុសដូចអភិបាលស្រុក និងអ្នកព័ត៌មានផ្សាយមែន យើងនឹងអនុវត្តវិន័យកងកម្លាំង។”
ភ្នាក់ងារកោះសន្តិភាពមិនទាន់ទទួលបានការបំភ្លឺពីលោកវរសេនីយ៍ទោ គិន មឿង នាយប៉ុស្តិ៍នគរបាលឃុំព្រៃជ្រូកនៅឡើយទេ ដោយទូរស័ព្ទរបស់លោកស្ថិតនៅក្រៅតំបន់សេវា។
