ទូកស្មាច់លិចកណ្ដាលទន្លេភ្នំពេញ ស្លាប់៣នាក់ បាត់ខ្លួន៥នាក់

ភ្នំពេញ៖ ករណីលិចទូកស្មាច់នៅសង្កាត់កោះដាច់ ខណ្ឌជ្រោយចង្វារ បានបណ្ដាលឱ្យមានជនរងគ្រោះសរុប ១៤នាក់ កាលពីព្រឹកថ្ងៃទី២៣ ខែមីនា ឆ្នាំ២០២៦។

តាមការបញ្ជាក់ពីលោក ជួន ឧត្តម នាយប៉ុស្តិ៍នរគបាលរដ្ឋបាលកោះដាច់ ករណីនេះកើតឡើងនៅម៉ោង ១០:៣០នាទីព្រឹក នៅចំណុចកណ្ដាលទន្លេ ភូមិក្បាលកោះ។ ទូកស្មាច់ដែលដឹកអ្នកដំណើរ ១៤នាក់ បានលិចដោយសារដឹកធ្ងន់ពេក។

លទ្ធផលបច្ចុប្បន្ន៖
• ជួយសង្គ្រោះបាន៖ ៦នាក់
• ស្លាប់៖ ៣នាក់
• បាត់ខ្លួន៖ ៥នាក់

កម្លាំងអាជ្ញាធររាជធានីភ្នំពេញ និងខណ្ឌជ្រោយចង្វារ បានចេញអូប័រសង្គ្រោះ និងស្វែងរកជនរងគ្រោះដែលបាត់ខ្លួន។ លោក ចេង ឌីណា អភិបាលស្រុកខ្សាច់កណ្ដាល បានលើកឡើងថា ក្នុងចំណោមជនស្លាប់ទាំង ៨នាក់ មាន ៤នាក់ជាអ្នករស់នៅឃុំពុកឬស្សី។

គិតត្រឹមម៉ោង ៩ព្រឹកថ្ងៃទី២៤ មីនា ជនរងគ្រោះដែលបាត់ខ្លួននៅមិនទាន់ឃើញបន្ថែមទេ។ ការស្វែងរកនៅតែបន្តដោយកម្លាំងអាជ្ញាធរពាក់ព័ន្ធ។