By ប្រទេសថៃកំពុងប្រឈមនឹងការខាតបង់ថវិកាជាតិយ៉ាងធ្ងន់ធ្ងរ ដែលគេប៉ាន់ស្មានថាមានចំនួនរហូតដល់ ៥០០ពាន់លានបាត (ប្រហែល ១៤ពាន់លានដុល្លារ) ក្នុងមួយឆ្នាំៗ ដោយសារអំពើពុករលួយដែលកំពុងចាក់ឫសយ៉ាងជ្រៅក្នុងវិស័យសាធារណៈ។
ព័ត៌មាននេះត្រូវបានចុះផ្សាយដោយ The Nation នៅថ្ងៃទី២៥ ខែមីនា ឆ្នាំ២០២៦ ដោយដកស្រង់ពីអង្គភាពប្រឆាំងអំពើពុករលួយថៃ (ACT) ដែលបានបង្ហាញពីរូបភាពអំពើពុករលួយសំខាន់ៗចំនួនបី៖
១. ការកេងប្រវ័ញ្ចថវិការដ្ឋតាមរយៈការស៊ីសំណូកក្នុងគម្រោងលទ្ធកម្ម
២. ការកេងប្រវ័ញ្ចលើប្រជាពលរដ្ឋតាមរយៈការសូកប៉ាន់ និងការគាបស៊ី
៣. ការទិញដូរសែស្រឡាយដើម្បីទទួលបានតំណែងក្នុងរដ្ឋាភិបាល
អង្គភាព ACT បានព្រមានថា ការខាតបង់នេះមិនមែនគ្រាន់តែជាបញ្ហាហិរញ្ញវត្ថុទេ ប៉ុន្តែវាប៉ះពាល់យ៉ាងធ្ងន់ធ្ងរដល់ទំនុកចិត្តអ្នកវិនិយោគ និងបំផ្លាញការប្រកួតប្រជែងអាជីវកម្មដោយស្មើភាព។
អំពើពុករលួយដែលចាក់ស្រេះបែបនេះបានក្លាយជាបន្ទុកធ្ងន់ធ្ងរសម្រាប់ប្រជាជនថៃទាំងមូល ដោយធ្វើឱ្យការប្រើប្រាស់លុយពន្ធគ្មានប្រសិទ្ធភាព សេវាសាធារណៈធ្លាក់ចុះគុណភាព និងបាត់បង់ជំនឿចិត្តលើស្ថាប័នរដ្ឋ។
