កប៉ាល់ទំនិញថៃរងគ្រោះដោយការវាយប្រហារ រសាត់ជាប់កោះអ៊ីរ៉ង់ បន្ទាប់ពីផ្ទុះនិងអគ្គិភ័យ

កប៉ាល់ដឹកទំនិញថៃឈ្មោះ Mayuree Naree ដែលរងការវាយប្រហារនៅច្រកសមុទ្រ Hormuz កាលពីដើមខែនេះ បានរសាត់ទៅជាប់ដីគោកនៅក្បែរកោះ Qeshm របស់អ៊ីរ៉ង់។

យោងតាមទីភ្នាក់ងារសារព័ត៌មាន Tasnim របស់អ៊ីរ៉ង់ ការផ្ទុះនៅផ្នែកខាងក្រោយកប៉ាល់បានបង្កអគ្គិភ័យនៅក្នុងបន្ទប់ម៉ាស៊ីន ធ្វើឲ្យកប៉ាល់នេះមិនអាចគ្រប់គ្រងបាន។

អាជ្ញាធរថៃបានបញ្ជាក់ថា នាវាចរណ៍អូម៉ង់បានជួយសង្គ្រោះសមាជិកនាវិកចំនួន ២០ នាក់ ប៉ុន្តែនាវិក ៣ នាក់ទៀតបានបាត់ខ្លួនបន្ទាប់ពីការផ្ទុះ។

សារព័ត៌មាន Khaosod បានឲ្យដឹងថា អាជ្ញាធរអ៊ីរ៉ង់ និងអូម៉ង់បានទៅដល់កប៉ាល់នោះ ហើយបានរកឃើញនាវិកដែលបាត់ខ្លួនទាំង ៣ នាក់ហើយ ប៉ុន្តែស្ថានភាពសុខភាពរបស់ពួកគេមិនទាន់ត្រូវបានបញ្ជាក់ច្បាស់លាស់នៅឡើយទេ។