កោះខាក់ហ្គ៍៖ មជ្ឈមណ្ឌលប្រេងអ៊ីរ៉ង់ដែលអាចក្លាយជាចំណុចបញ្ចប់សង្គ្រាម

យុទ្ធនាការយោធារបស់សហរដ្ឋអាមេរិក និងអ៊ីស្រាអែល ប្រឆាំងនឹងអ៊ីរ៉ង់ បានឈានចូលដល់សប្តាហ៍ទី៤ ដោយមានកោះខាក់ហ្គ៍ (Kharg) ក្លាយជាគោលដៅយុទ្ធសាស្ត្រសំខាន់បំផុត។ កោះតូចមួយនេះជាដង្ហើមសេដ្ឋកិច្ចរបស់អ៊ីរ៉ង់ ដោយជាកន្លែងនាំចេញប្រេងរហូតដល់ ៩០% នៃប្រទេសទាំងមូល។

លោកប្រធានាធិបតីអាមេរិក ដូណាល់ ត្រាំ បានបង្ហាញជំហរមិនខ្វល់ខ្វាយចំពោះ«ផែនការសន្តិភាព១៥ចំណុច» ដោយលោកបានពោលថា៖ «ខ្ញុំមិនបានស្រេកឃ្លានចង់បានកិច្ចព្រមព្រៀងនោះទេ។ ខ្ញុំមិនខ្វល់ឡើយ!»។ លោកបានបញ្ជាក់ថា អាមេរិកនៅមានគោលដៅជាច្រើនទៀតដែលត្រូវវាយប្រហារ។

អ្នកជំនាញយោធាបានព្រមានថា ការវាយលុកលើកោះខាក់ហ្គ៍អាចបណ្តាលឱ្យមានគ្រោះថ្នាក់ខ្ពស់។ ទោះបីជាអាមេរិកបានបញ្ជូនទ័ពឆត្រយោង ១,០០០នាក់ និងកងម៉ារីន ៥,០០០នាក់ ទៅកាន់តំបន់នោះក៏ដោយ ក៏កោះនេះត្រូវបានអ៊ីរ៉ង់ការពារយ៉ាងរឹងមាំជាមួយប្រព័ន្ធការពារអាកាស និងអាវុធទំនើបៗ។

លោក Yoav Gallant អតីតរដ្ឋមន្ត្រីការពារជាតិអ៊ីស្រាអែល បានពណ៌នាថា ការវាយលុកតាមទឹកដើម្បីឡើងលើកោះនេះ គឺជា«ប្រតិបត្តិការដែលពិបាកបំផុតមួយក្នុងសង្គ្រាមសម័យទំនើប»។ លោកបានបន្ថែមថា ទោះបីជាអាមេរិកគ្រប់គ្រងលើមេឃ និងសមុទ្របាន ក៏កងទ័ពដែលនៅលើដីនឹងក្លាយជាផ្ទាំងស៊ីបនៃដ្រូនអត្តឃាត និងគ្រាប់រ៉ុក្កែតរបស់អ៊ីរ៉ង់មិនខាន។

ប្រភព៖ Times of Israel ថ្ងៃទី២៧ ខែមីនា ឆ្នាំ២០២៦