អាជ្ញាធរខណ្ឌ៧មករាចុះប្រមូលជនអនាថា១៦នាក់ ទាំងអស់ប្រើគ្រឿងញៀន

ភ្នំពេញ៖ កម្លាំងសណ្តាប់ធ្នាប់ខណ្ឌ៧មករា បានចុះប្រមូលជនអនាថាចំនួន១៦នាក់ ដែលទាំងអស់ប្រើប្រាស់គ្រឿងញៀន នៅព្រឹកថ្ងៃទី២៧មីនា២០២៦។

លោក អ៊ី ពៅ អភិបាលរងខណ្ឌ៧មករា បានបញ្ជាក់ថា ប្រតិបត្តិការនេះធ្វើឡើងក្រោមការណែនាំពីលោក ថេង សុថុល អភិបាលខណ្ឌ ដើម្បីរក្សាសណ្តាប់ធ្នាប់សាធារណៈ។

កម្លាំងបានធ្វើតេស្តទឹកនោមដល់ជនទាំង១៦នាក់ ហើយរកឃើញសារធាតុញៀនទាំងអស់។ បច្ចុប្បន្ន ពួកគេត្រូវបានបញ្ជូនទៅមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានីភ្នំពេញ ដើម្បីស្តារនីតិសម្បទា។

លោកអភិបាលរងបានពន្យល់ថា៖ “ការចុះប្រមូលនេះគឺដើម្បីការពារសន្តិសុខសាធារណៈ និងកាត់បន្ថយបញ្ហាជនអនាថាក្នុងសហគមន៍។”