កុមារកម្ពុជា ៩ នាក់ ឈ្នះប្រកួតគំនូររថយន្តសុបិន ត្រៀមតំណាងប្រទេសនៅជប៉ុន

រាជធានីភ្នំពេញ៖ ក្រុមហ៊ុនតូយ៉ូតា ខេមបូឌា បានប្រកាសជាផ្លូវការនូវម្ចាស់ជ័យលាភីក្នុងកម្មវិធីប្រកួតគំនូររថយន្តតូយ៉ូតាក្នុងក្តីស្រមៃ លើកទី១៩ ដែលទទួលបានការចូលរួមយ៉ាងច្រើនពីកុមារកម្ពុជាទូទាំងប្រទេស។

កម្មវិធីនេះជាគំនិតផ្តួចផ្តើមសកលរបស់ Toyota Motor Corporation ក្នុងគោលបំណងជំរុញទឹកចិត្តកុមារឱ្យជឿជាក់លើថាមពលនៃក្តីសុបិន និងបណ្តុះបណ្តាលអ្នកបង្កើតថ្មីជំនាន់ក្រោយ។ ក្រោមប្រធានបទ “រថយន្តក្នុងសុបិនរបស់អ្នក” កុមារអាយុក្រោម១៥ឆ្នាំបានបង្ហាញពីទេពកោសល្យសិល្បៈ និងគំនិតច្នៃប្រឌិតខ្ពស់។

ម្ចាស់ជ័យលាភីកម្រិតអាយុក្រោម៨ឆ្នាំ៖
១. លាមលិះ ចេស្ដា – ឡានក្រូកូតា
២. អ៊ឹង ចោមចាន់ដាណា – ឡានដាយណូស័រ
៣. ណេដា អូវ៉េន – ឡានហោះវេទមន្តសម្អាត

ម្ចាស់ជ័យលាភីកម្រិតអាយុ៨-១១ឆ្នាំ៖
១. លឹម ឆាយលី – តូយ៉ូតាអ្នកការពារបរិស្ថាន
២. សាវន គុណឋាគូរ – រថយន្តជួយបរិស្ថាន
៣. អ៊ឹង ចាន់សុខលី – ឡានកម្ពុជា

ម្ចាស់ជ័យលាភីកម្រិតអាយុ១២-១៥ឆ្នាំ៖
១. ម៉ម សុភីសសារ៉ា សុផា – រថយន្តកណ្ដូបបុកស្រូវ
២. វិន័យ ម៉ូរ៉ា – វីរបុរសសេករ៉ូលីផូលី
៣. ឃីម បេឡា – តូយ៉ូតាប្រណាំងជាតិពុល

ស្នាដៃសិល្បៈរបស់ម្ចាស់ជ័យលាភីទាំង៩នាក់នឹងត្រូវបញ្ជូនទៅកាន់ការប្រកួតកម្រិតពិភពលោកនៅប្រទេសជប៉ុន ដែលពួកគេនឹងតំណាងឱ្យកម្ពុជាប្រកួតប្រជែងជាមួយសិល្បករវ័យក្មេងពីជាង៩០ប្រទេស។

ការប្រកួតនេះបានបង្ហាញពីទេពកោសល្យ និងការច្នៃប្រឌិតរបស់កុមារកម្ពុជា ដែលមានចក្ខុវិស័យពីមធ្យោបាយធ្វើដំណើរនាពេលអនាគតតាមរយៈសិល្បៈ។

ជ័យលាភីលោកអគ្គនាយកតេង សុបញ្ញា ពីផលិតផលទឹកឃ្មុំ បានផ្តល់ជូនរង្វាន់ដល់ម្ចាស់ជ័យលាភីទាំងអស់។

ការប្រកួតគំនូររថយន្តសុបិនរបស់តូយ៉ូតាបានបង្ហាញពីសក្តានុពលដ៏អស្ចារ្យរបស់កុមារកម្ពុជា និងការគាំទ្ររបស់សហគ្រាសចំពោះការអភិវឌ្ឍន៍សិល្បៈវ័យក្មេង។