តាយហ្គឺវូតស៍ ជាប់ចោទប្រកាន់បទបើកបរស្រវឹង បុកឡានក្រឡាប់នៅហ្វ្លរីដា

ភ្លៀងធ្លាក់យ៉ាងខ្លាំងលើផ្លូវហ្វ្លរីដា នៅពេលដែលតាយហ្គឺវូតស៍ កីឡាករវាយកូនហ្គោលល្បីល្បាញពិភពលោក ត្រូវបានចាប់ខ្លួនដោយអាជ្ញាធរប៉ូលិស បន្ទាប់ពីគ្រោះថ្នាក់ចរាចរណ៍ធ្ងន់ធ្ងរនៅតំបន់ Jupiter Island។

អាជ្ញាធរបានបញ្ជាក់ថា តាយហ្គឺវូតស៍ អាយុ ៥០ ឆ្នាំ ត្រូវបានចោទប្រកាន់ពីបទបើកបរក្រោមឥទ្ធិពលស្រវឹង បន្ទាប់ពីរថយន្ត Land Rover របស់គាត់ប៉ះនឹងឡានដឹកទំនិញ ហើយក្រឡាប់នៅរសៀលថ្ងៃសុក្រ។

លោកអធិការប៉ូលិស John Budensiek បានឲ្យដឹងថា៖ “យើងមិនសង្ស័យថាលោកស្ថិតក្រោមឥទ្ធិពលស្រាទេ ប៉ុន្តែអាចជាសារធាតុផ្សេងមិនស្គាល់។ លោកបានធ្វើតេស្តដង្ហើមបានលទ្ធផល ០.០០ ប៉ុន្តែបានបដិសេធធ្វើតេស្តទឹកនោម។”

ម្ចាស់ពានរង្វាន់ Masters ១៥ ដងនេះ ក៏ត្រូវបានចោទប្រកាន់បទបំផ្លាញទ្រព្យសម្បត្តិ និងបដិសេធធ្វើតេស្តតាមច្បាប់ផងដែរ។ សំណាងល្អដែលមិនមាននរណាម្នាក់រងរបួសក្នុងហេតុការណ៍នេះ។

អ្នកស៊ើបអង្កេតបានរកឃើញសញ្ញាថា តាយហ្គឺវូតស៍ អាចមានការប៉ះពាល់ពីសារធាតុណាមួយ នៅពេលដែលគាត់ព្យាយាមបើកវ៉ារថយន្តដឹកម៉ាស៊ីនសម្អាតក្នុងល្បឿនលឿន។ លោកអធិការបានបញ្ជាក់បន្ថែមថា គាត់សហការល្អ ប៉ុន្តែព្យាយាមមិនឲ្យមានភស្តុតាងដើម្បីចោទលើខ្លួន។

ប្រធានាធិបតីសហរដ្ឋអាមេរិក Donald Trump បានចេញមុខនិយាយថា៖ “ខ្ញុំមានអារម្មណ៍សោកស្តាយចំពោះហេតុការណ៍នេះ។ តាយហ្គឺវូតស៍ គឺជាមិត្តជិតស្និទ្ធរបស់ខ្ញុំ និងជាមនុស្សល្អម្នាក់។”

អាជ្ញាធរបានបញ្ជាក់ថា តាយហ្គឺវូតស៍ នឹងត្រូវឃុំខ្លួនប្រហែល ៨ ម៉ោង មុននឹងត្រូវបានដោះលែងក្រោមការធានា។ បទចោទទាំងនេះត្រូវបានចាត់ទុកជាបទល្មើសស្រាល មិនមែនជាបទឧក្រិដ្ឋធ្ងន់ទេ។

ហេតុការណ៍នេះបានធ្វើឲ្យអ្នកគាំទ្រជាច្រើនមានការព្រួយបារម្ភចំពោះសុខភាព និងស្ថានភាពផ្លូវចិត្តរបស់កីឡាករដ៏ល្បីល្បាញរូបនេះ ដែលមានប្រវត្តិរងរបួសធ្ងន់ធ្ងរពីមុនមក។

ដោយ៖ ភារៈ