By ខេត្តពោធិ៍សាត់៖ យោធាថៃបានបន្ថែមទូកុងតឺន័រ និងលើកទង់ជាតិនៅតំបន់ថ្មដា បញ្ជាក់ពីការបំពានទឹកដីកម្ពុជា នៅចំពោះមុខអង្គទូតបរទេស និងអង្គការអន្តរជាតិ នាថ្ងៃទី២៧ ខែមីនា ឆ្នាំ២០២៦។
ជាក់ស្ដែង លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានដឹកនាំឯកអគ្គរាជទូត ឯកអគ្គរដ្ឋទូត តំណាងទូត និងតំណាងបេសកកម្មបរទេសប្រចាំកម្ពុជា ចុះទៅពិនិត្យដោយផ្ទាល់ការដាក់ទូកុងតឺន័រ និងការដំឡើងទង់ជាតិពីសំណាក់យោធាថៃនៅឃុំថ្មដា។
សកម្មភាពនេះកើតឡើងនៅចំណុចច្រមុះជ្រូក (ផ្លូវបំបែកទៅកោះកុង-កាស៊ីណូ) ស្ថិតនៅភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់។ ការដឹកនាំអង្គទូតបរទេស និងអង្គការអន្តរជាតិទៅកាន់តំបន់នេះ គឺដើម្បីបង្ហាញការពិតពីទង្វើឈ្លានពានពីសំណាក់យោធាថៃមកលើទឹកដីកម្ពុជា។
សូមជម្រាបជូនថា សកម្មភាពទាំងនេះត្រូវបានរាជរដ្ឋាភិបាលកម្ពុជាដាក់លិខិតតវ៉ាជាបន្តបន្ទាប់តាមរយៈក្រសួងការបរទេស និងតែងតែបញ្ជាក់ម្តងហើយម្តងទៀតគឺប្រកាន់ជំហរដាច់ខាត ដោយមិនទទួលស្គាល់ការកែប្រែខ្សែបន្ទាត់ព្រំដែនតាមរយៈការប្រើកម្លាំងឡើយ។
រដ្ឋាភិបាលកម្ពុជាបានបញ្ជាក់ថា ការដាក់ទូកុងតឺន័រ និងការដំឡើងទង់ជាតិថៃនៅតំបន់នេះ គឺជាការបំពានអធិបតេយ្យភាពកម្ពុជាយ៉ាងច្បាស់លាស់។
ការបំពាននេះកើតឡើងនៅពេលដែលប្រមុខការទូតខ្មែរបានដឹកនាំអង្គទូតបរទេស និងអង្គការអន្តរជាតិនានាទៅកាន់តំបន់នោះ ដើម្បីធ្វើការពិនិត្យដោយផ្ទាល់។
រាជរដ្ឋាភិបាលកម្ពុជាបានអះអាងថា នឹងបន្តការតវ៉ា និងរក្សាអធិបតេយ្យភាពជាតិយ៉ាងមុតមាំ ដោយមិនទទួលស្គាល់ការកែប្រែព្រំដែនតាមរយៈកម្លាំងបង្ខំណាមួយឡើយ។
ការបំពាននេះបានកើតឡើងនៅពេលដែលកម្ពុជាកំពុងតែពង្រឹងសន្តិភាព និងស្ថិរភាពក្នុងតំបន់ ដោយមានការចូលរួមពីសហគមន៍អន្តរជាតិ។
រដ្ឋាភិបាលកម្ពុជាបានស្នើឱ្យថៃគោរពអធិបតេយ្យភាព និងអព្យាក្រឹត្យភាពរបស់កម្ពុជា និងដោះស្រាយបញ្ហាព្រំដែនតាមរយៈការចរចាសន្តិវិធី។
ដោយ៖ តារា
