រដ្ឋាភិបាលថៃថ្មីនឹងបង្ហាញរូបរាងសប្តាហ៍ក្រោយ និងដោះស្រាយបញ្ហាប្រេងដ៏ធ្ងន់ធ្ងរ

ភ្នំពេញ – នាយករដ្ឋមន្ត្រីថៃ លោក Anutin Charnvirakul បានប្រកាសថា រដ្ឋាភិបាលថ្មីនឹងលេចរូបរាងឡើងនៅសប្តាហ៍ក្រោយ ដោយបញ្ជីឈ្មោះគណៈរដ្ឋមន្ត្រីនឹងត្រូវថ្វាយព្រះមហាក្សត្រឡាយព្រះហស្ថលេខានៅថ្ងៃទី៣០មីនា។

យោងតាមការប្រកាស រដ្ឋាភិបាលនឹងដាក់ចេញសេចក្តីថ្លែងការណ៍នយោបាយទៅកាន់សភានៅថ្ងៃទី៧-៩មេសា ដែលផ្តោតលើការសម្រេចសន្យាបោះឆ្នោតរបស់គណបក្ស Bhumjaithai និងកម្មវិធីឧបត្ថម្ភធនសម្រាប់ប្រជាពលរដ្ឋ។

លោក Anutin បានសុំទោសជាសាធារណៈចំពោះភាពវឹកវរក្នុងការគ្រប់គ្រងតម្លៃប្រេងក្នុងពាក់កណ្តាលខែមីនា។ ដោយសារសង្គ្រាមនៅមជ្ឈិមបូព៌ាបន្ត រដ្ឋាភិបាលបានបញ្ឈប់ការកំណត់តម្លៃប្រេង ប៉ុន្តែគ្រោងកាត់បន្ថយពន្ធនិងប្រើមូលនិធិឧបត្ថម្ភធនប្រេង។

រដ្ឋមន្ត្រីក្រសួងថាមពល លោក Auttapol Rerkpiboon បានបញ្ជាក់ថា បច្ចុប្បន្នថៃមានប្រេងបម្រុងសម្រាប់ប្រើប្រាស់១០៧ថ្ងៃ ហើយនឹងមានការដឹកជញ្ជូនបន្ថែមនៅខែមេសា និងឧសភា ទោះបីជាមូលនិធិប្រេងខ្វះខាត៣៨ពាន់លានបាតក៏ដោយ។

រដ្ឋមន្ត្រីការបរទេស លោក Sihasak Phuangketkeow បានបញ្ជាក់ថា ថៃបានទាក់ទងប្រទេសប្រេស៊ីល នីហ្សេរីយ៉ា កាហ្សាក់ស្ថាន និងអាស៊ែបៃហ្សង់ ដើម្បីធានាការផ្គត់ផ្គង់ប្រេង។ ចំពោះសុវត្ថិភាពផ្លូវទឹក ថៃបានសម្របសម្រួលជាមួយអ៊ីរ៉ង់ ដើម្បីធានាសុវត្ថិភាពដល់នាវាថៃដែលឆ្លងកាត់ច្រកសមុទ្រ Hormuz។

ទន្ទឹមនឹងនេះ ក្រសួងពាណិជ្ជកម្មកំពុងតាមដានតម្លៃទំនិញ និងសេវាកម្មយ៉ាងដិតដល់ ដើម្បីបង្ការការឡើងថ្លៃហួសហេតុ។