By ភ្នំពេញ៖ រដ្ឋាភិបាលអ៊ីរ៉ង់បានឆ្លើយតបដោយវិជ្ជមានចំពោះសំណើរបស់ឥណ្ឌូណេស៊ីក្នុងការអនុញ្ញាតឱ្យកប៉ាល់ដឹកប្រេងរបស់ខ្លួនធ្វើដំណើរកាត់ច្រកសមុទ្រហ័រម៉ូសដោយសុវត្ថិភាព។
អ្នកនាំពាក្យក្រសួងការបរទេសឥណ្ឌូណេស៊ីបានបញ្ជាក់ថា ការចរចាគ្នាបានធ្វើឡើងក្នុងស្ថានភាពដែលច្រកសមុទ្រហ័រម៉ូសបន្តបិទខ្ទប់ដោយសារភាពតានតឹងរវាងអ៊ីរ៉ង់ អាមេរិក និងអ៊ីស្រាអែល។ ស្ថានទូតអ៊ីរ៉ង់ប្រចាំទីក្រុងហ្សាកាតាបានផ្តល់ការធានាសុវត្ថិភាពដល់កប៉ាល់ឥណ្ឌូណេស៊ី។
កប៉ាល់ដឹកប្រេងឈ្មោះពើតាមីណាប្រាយ (Pertamina Pride) និងហ្កាមស៊ូណូរ៉ូ (Gamsunoro) របស់ក្រុមហ៊ុនពើតាមីណា កំពុងស្ថិតនៅតំបន់ឈូងសមុទ្ររង់ចាំការអនុញ្ញាត។ កប៉ាល់ទាំងពីរនេះមានតួនាទីសំខាន់ក្នុងការដឹកជញ្ជូនប្រេងឆៅពីតំបន់មជ្ឈិមបូព៌ាទៅកាន់ឥណ្ឌូណេស៊ី និងប្រទេសដទៃ។
ក្រសួងការបរទេសឥណ្ឌូណេស៊ីនឹងបន្តសម្របសម្រួលជាមួយភាគីពាក់ព័ន្ធទាំងអស់ ដើម្បីធានាការធ្វើដំណើររបស់កប៉ាល់ក្រុមហ៊ុនពើមីណាប្រព្រឹត្តទៅដោយសុវត្ថិភាព។ ក្រុមហ៊ុន Permina International Shipping ក៏កំពុងចរចាជាមួយក្រសួងការបរទេសឥណ្ឌូណេស៊ីដើម្បីធានាសុវត្ថិភាពដល់កប៉ាល់របស់ខ្លួន។
ការបិទខ្ទប់ច្រកសមុទ្រហ័រម៉ូសដោយអ៊ីរ៉ង់បានធ្វើឱ្យតម្លៃប្រេងឆៅហក់ឡើងខ្ពស់នៅក្នុងទីផ្សារពិភពលោក។ ការអនុញ្ញាតឱ្យកប៉ាល់ឥណ្ឌូណេស៊ីធ្វើដំណើរកាត់ច្រកនេះនឹងជួយបន្ធូរភាពតានតឹង និងធានាការផ្គត់ផ្គង់ប្រេងដល់ប្រទេសនេះ។
ប្រភព៖ ឆេនណល ញូស៍ អេស៊ា និងប្រភពដទៃទៀត
