អភិបាលខេត្តកំពង់ចាម បើកស្រោមវិញ្ញាសាប្រឡងជ្រើសរើសមន្ត្រីពន្ធនាគារ មានបេក្ខជនចូលរួម៦៣០នាក់

ខេត្តកំពង់ចាម៖ លោក អ៊ុន ចាន់ដា អភិបាលខេត្តកំពង់ចាម បានអញ្ជើញបើកស្រោមវិញ្ញាសាប្រឡងប្រជែងជ្រើសរើសក្របខ័ណ្ឌមន្ត្រីពន្ធនាគារ ក្រសួងមហាផ្ទៃ សម្រាប់ឆ្នាំ២០២៦ នៅវិទ្យាល័យព្រះសីហនុ ក្រុងកំពង់ចាម។

ក្នុងពិធីនេះ លោកអភិបាលខេត្តបានស្នើឲ្យបេក្ខជនទាំងអស់ត្រូវប្រកាន់ខ្ជាប់នូវគោលជំហរ និងស្មារតីឲ្យបានមុតមាំ និងត្រូវអនុវត្តតាមគោលការណ៍ «ចេះ គឺ ជាប់»។ លោកក៏បានជូនពរដល់បេក្ខជនទាំងអស់ឲ្យទទួលបានជោគជ័យក្នុងការប្រលងប្រជែងដ៏សំខាន់នេះ។

បើតាមរបាយការណ៍របស់គណៈកម្មការប្រលង កម្មវិធីប្រឡងប្រជែងជ្រើសរើសក្របខ័ណ្ឌមន្ត្រីពន្ធនាគារសម្រាប់ឆ្នាំ២០២៦ ចែកចេញជា១០បន្ទប់ មានបេក្ខជនសរុបចំនួន៦៤០នាក់ ស្រី៣០៩នាក់។ ក្នុងនោះបានចូលរួមប្រឡងចំនួន៦៣០នាក់ ស្រី៣០៣នាក់ អវត្តមាន១០នាក់។

បេក្ខជនដែលប្រឡងជោគជ័យនឹងទទួលបានការងារនៅពន្ធនាគារខេត្តកំពង់ចាម ពន្ធនាគារខេត្តត្បូងឃ្មុំ ពន្ធនាគារខេត្តព្រៃវែង ពន្ធនាគារខេត្តស្វាយរៀង ពន្ធនាគារខេត្តកំពង់ធំ និងមណ្ឌលអប់រំកែប្រែទី៣។

ការប្រឡងនេះគឺជាឱកាសសំខាន់សម្រាប់យុវជនកម្ពុជាដើម្បីមានឱកាសបម្រើជាតិ មាតុភូមិ និងប្រជាជនតាមរយៈការងារនៅក្នុងវិស័យពន្ធនាគារ។

ពិធីបើកស្រោមវិញ្ញាសាបានប្រព្រឹត្តិទៅដោយជោគជ័យ និងមានភាពស្ងប់ស្ងាត់ សមរម្យតាមលក្ខណៈវិន័យរបស់ការប្រឡង។

គណៈកម្មការប្រលងបានរៀបចំការប្រឡងនេះដោយមានភាពត្រឹមត្រូវ និងយុត្តិធម៌ ដើម្បីជ្រើសរើសបុគ្គលិកដែលមានសមត្ថភាពពិតប្រាកដ។

បេក្ខជនទាំងអស់បានបង្ហាញពីស្មារតីខ្ពស់ និងការត្រៀមខ្លួនយ៉ាងល្អ ដើម្បីទទួលបានឱកាសក្នុងការបម្រើការងារជាមន្ត្រីពន្ធនាគារ។

លទ្ធផលនៃការប្រឡងនឹងត្រូវប្រកាសនៅពេលក្រោយ បន្ទាប់ពីគណៈកម្មការប្រលងបានពិនិត្យ និងវាយតម្លៃវិញ្ញាសារួចរាល់។

ដោយ៖ តារា